सहयोग जुटाउन राजदूतहरुलाई परराष्ट्रमन्त्री ज्ञवालीको निर्देशन
काठमाडौँ — कोरोना संक्रमणको दोस्रो लहरविरुद्ध लड्न अन्तर्राष्ट्रिय सहकार्य गरेर सहयोग उपलब्ध जुटाउन विदेशस्थित नेपाली नियोगका प्रमुखहरुलाई परराष्ट्रमन्त्री प्रदीपकुमार ज्ञवालीले निर्देशन दिएका छन् । भर्चुअल माध्यमबाट शनिबार निर्देशन दिएका हुन् ।
मन्त्रालयले वैशाख २३ मा सबै राजदूतावासहरुलाई संकटको समयमा सहयोग जुटाउन पत्राचार गरिसकेको थियो । यही सिलसिलामा मन्त्री ज्ञवालीले नेपाली राजदूतहरुलाई नै प्रत्यक्ष रूपमा निर्देशन दिएका हुन् । मुलुकमा अक्सिजन सिलिन्डरसहित अन्य स्वास्थ्य सामग्रीहरुको अभाव हुन थालेकाले सकेसम्म ती सामग्री सहयोगका लागि अन्तर्राष्ट्रिय सहकार्य गर्नुपर्ने मन्त्री ज्ञवालीले बताएका हुन् ।
प्रकाशित : जेष्ठ १, २०७८ २२:३४प्रतिक्रिया