२४.६७°C काठमाडौं
पूर्वरानी शाहको स्वास्थ्यमा क्रमिक सुधार
काठमाडौँ — पूर्वरानी कोमल शाहको स्वास्थ्यमा सुधार हुँदै गएको छ । कोरोना संक्रमण भएपछि काठमाडौंको थापाथलीस्थित नर्भिक अस्पतालमा उपचाररत शाहको स्वास्थ्य अवस्थामा क्रमिक रूपमा सुधार हुँदै गएको अस्पतालले एक विज्ञप्तिमार्फत जनाएको छ ।
कोरोना संक्रमण भएपछि ९ दिनअघि अस्पतालमा भर्ना भएकी शाहलाई गत बिहीबारदेखि प्लाज्मा थेरापी विधिबाट उपचार थालिएको थियो । उनको हाल आईसियूमै राखेर उपचार भइरहेको छ । अक्सिजनको हाइफ्लो सपोर्टमा उपचार जारी राखिए पनि स्वास्थ्य अवस्थामा क्रमिक रुपमा सुधार भइरहेको छ ।
नर्भिकमै उपचाररत पूर्वराजा ज्ञानेन्द्र शाह र पूर्वअधिराजकुमारी प्रेरणा शाहको अवस्था भने सामान्य रहेको अस्पतालले जनाएको छ ।
प्रतिक्रिया
