कोरोना संक्रमित बस्न्यात बन्दी प्रत्यक्षीकरणको निवेदन लिएर सर्वोच्चमा
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — अस्पतालमा उपचारका क्रममा रहँदा कोरोना संक्रमण भएपछि अख्तियार दुरुपयोग अनुसन्धान आयोगका पूर्वप्रमुख आयुक्त दीप बस्न्यातले सर्वोच्च अदालतमा बन्दी प्रत्यक्षीकरणको निवेदन दिएका छन् । उनको वारेस बनेर छोरीज्वाँइ प्रज्ज्वल अधिकारीले सर्वोच्चमा निवेदन दिएका हुन् ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![कोरोना संक्रमित बस्न्यात बन्दी प्रत्यक्षीकरणको निवेदन लिएर सर्वोच्चमा](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2021/third-party/deep-basnyat-3042021122427-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
मुटुमा समस्या देखिएपछि केही साताअघि अस्पताल भर्ना भएका उनलाई कोरोना संक्रमण देखिएको हो । ललिता निवास भ्रष्टाचार मुद्दाका क्रममा उनी साढे चार महिनादेखि डिल्लीबजार कारागारमा छन् ।
बस्न्यातले आफूलाई सामान्य तारिखमा राख्नुपर्ने माग राखी यसअघि नै सर्वोच्च अदालतमा निवेदन दिइसकेका छन् । तर त्यसको सुनुवाइ हुन सकेको थिएन । त्यस क्रममा नै एक्कासी कोभिड देखिएपछि उनले बन्दी प्रत्यक्षीकरणको निवेदन दिएका हुन् । उनको निवेदनमाथि आइतबार प्रारम्भिक सुनुवाइ हुनेछ ।
![](https://assets-cdn.ekantipur.com/uploads/source/ads/900-x-100-0172024023126.gif)