मृग र दुम्सीको मासुसहित ७ सिकारी पक्राउ
सिन्धुली — मृग र दुम्सीको मासुसहित सिन्धुलीमा ७ सिकारी पक्राउ परेका छन् । कमलामाई नगरपालिका–१४ स्थित चुरे जंगलबाट उनीहरु पक्राउ परेका हुन् ।
रानीवासस्थित सबडिभिजन वन कार्यालयबाट गएको सशस्त्र प्रहरीको वन रक्षक टोलीले उनीहरुलाई पक्राउ गरेको हो ।
पक्राउ पर्नेहरुमा स्थानीय काले दनुवार, लक्ष्मी दनुवार, मोहन दनुवार, शम्भु कुमर, बरम कुमर, शम्भु चौधरी र ईश्वर कुमर रहेका सहायक वन अधिकृत संघर्षसक्षम मिश्रले जानकारी दिए ।
उनीहरुको साथबाट वन रक्षकको टोलीले चारथान पासो (जाली), खुकुरी, मृग र दुम्सीको सात केजी मासु बरामद भएको छ ।
प्रकाशित : वैशाख ११, २०७८ १५:०५प्रतिक्रिया