जनस्वास्थ्यका सुरक्षात्मक उपाय कडाइका साथ पालना गर्न राष्ट्रपतिको आह्वान

राष्ट्रपति भण्डारीले शनिबार अपराह्न ट्विट गर्दै नेपाल सरकारको प्रभावकारी प्रतिकार्य रणनीति र नागरिकको धैर्यका कारण नियन्त्रणोन्मुख रहेकामा केही समययता सङ्क्रमणको जोखिम पुनः बढेर गएकामा चिन्ता पनि व्यक्त गरेकी छन् ।

कोभिड–१९ महामारी विरुद्ध नेपाल सरकारको प्रभावकारी प्रतिकार्य रणनीति र नागरिकको धैर्यताका कारण यो नियन्त्रण उन्मुख रहेकोमा केही समययता संक्रमणको जोखिम पुनः बढेर गएको हुनाले सरकारले जारी गरेका जनस्वास्थ्यका सुरक्षात्मक उपायहरू अझ कडाईका साथ पालना गर्न म सबैमा हार्दिक आह्वान गर्दछु।

— Bidya Devi Bhandari (@PresidentofNP) April 17, 2021

यूके भेरियन्ट लगायतका कारण नेपालमा संक्रमितको संख्या वृद्धि भइरहेको छ । पछिल्लो तथ्यांकअनुसार नेपालमा कोरोना संक्रमितको संख्या २ लाख ८२ हजार ८९० पुगेको छ । निको हुनेको संख्या भने २ लाख ७४ हजार ८ सय १२ पुगेको छ । कोरोनाबाट ज्यान गुमाउनेको संख्या ३ हजार ७० पुगेको छ ।

सरकारले पुन: कोरोना संक्रमण बढ्न थालेपछि विद्यालय, सार्वजनिक ठाउँहरुमा भीडभाड नगर्न र स्वास्थ्य मापदण्ड पालना गर्न अनुरोध गरेको छ ।

• भेरी अस्पतालमा १९० नमुना परीक्षण गर्दा १०६ जनामा कोरोना पुष्टि