नेपाल पक्षका सांसदद्वारा मुख्यमन्त्री राईविरुद्धको अविश्वास प्रस्तावको हस्ताक्षर फिर्ता- समाचार - कान्तिपुर समाचार

नेपाल पक्षका सांसदद्वारा मुख्यमन्त्री राईविरुद्धको अविश्वास प्रस्तावको हस्ताक्षर फिर्ता

देवनारायण साह

मोरङ — प्रदेश १ का मुख्यमन्त्री शेरधन राईविरुद्ध अविश्वास प्रस्ताव दर्ता गराएका एमालेको माधवकुमार नेपाल पक्षका १६ जना प्रदेशसभा सदस्यले मंगलबार सामूहिक रुपमा हस्ताक्षर फिर्ता लिएका छन् ।

फाइल तस्बिर।

नेपाल पक्षका नेता तथा प्रस्तावित मुख्यमन्त्री समेत रहेका भीम आचार्यलगायत १६ जना प्रदेशसभा सदस्यले हस्ताक्षर फिर्ता लिएको पत्र प्रदेशसभा सचिवालयमा दर्ता गराएको प्रदेश सभाका सचिव गोपालप्रसाद पराजुलीले बताए ।

सर्वोच्च अदालतको फैसलाले नेकपा एमाले र माओवादी केन्द्रलाई पूर्ववत् अवस्थामा फर्काएकाले नयाँ राजनीतिक परिस्थतिमा अविश्वासको प्रस्तावमाथि समर्थन नरहने जानकारी उनीहरुले प्रदेशसभा सचिवालयलाई गराएका छन् ।


मुख्यमन्त्री राईविरुद्ध तत्कालीन नेकपाका ३७ जना प्रदेशसभा सदस्यले पुस १२ गते प्रदेशसभा सचिवालयमा अविश्वासको प्रसताव दर्ता गराएका थिए । अविश्वास प्रस्तावमा हस्ताक्षर गरेका एक जना माओवादी केन्द्रकासहित एमालेका गरी २३ जनाले हस्ताक्षर फिर्ता लिइसकेका छन् । अब माओवादी केन्द्रका १४ जना प्रदेशसभा सदस्य मात्रै अविश्वस प्रस्तावको पक्षमा रहेको छ ।

प्रकाशित : चैत्र १७, २०७७ २०:१९
प्रतिक्रिया
पठाउनुहोस्

अग्‍नीपीडितलाई कर्मचारीको आर्थिक सहयोग

रमेशचन्द्र अधिकारी

धनकुटा — आगलागीबाट गत साता क्षति भएको हाम्रो बहुमुखी पाठशालालाई धनकुटामा कार्यरत सरकारी कर्मचारीले करिब एक लाख आर्थिक सहयोग गरेका छन् । 

कला तथा संस्कृति क्षेत्रमा क्रियाशील संस्था पाठशालाको लागि जिल्लास्थित सरकारी कार्यालयका प्रमुख लगायतले रकम जुटाएको प्रमुख जिल्ला अधिकारी बासुदेव दाहालले जानकारी दिए । उनले कर्मचारीहरुका तर्फबाट पाठशालाका सञ्चालक सरोज भुजेल र सोभित श्रेष्ठलाई ९३ हजार ७ सय ७० रुपैयाँ हस्तान्तरण गरे । सहयोग रकम ग्रहण गर्दै पाठशालाका सञ्चालक भुजेलले सहयोगी मनहरुको कारण पुरानै अवस्थामा फर्कन सहज हुँदै गएको बताए ।

धनकुटा नगरपालिका–७ मदनचोकमा रहेको पाठशालामा लागलागीका कारण करिब ५० लाख बराबरको क्षति भएको थियो । आगलागीबाट पाठशालाको भवनमा रहेका टपरी बनाउने मेसिन, विद्युत्‌बाट कुखुराको चल्ला निकाल्ने मेसिन, साउण्ड सिस्टम र जातीय भेषभूषा, जातीय गरगहना लगायतका सामान समेत जलेर नष्ट भएको थियो ।

प्रकाशित : चैत्र १७, २०७७ २०:०९
पूरा पढ्नुहोस्
प्रतिक्रिया
पठाउनुहोस्
×