लोकसभाका सभामुखलाई कोरोना देखिएपछि राजदूत आचार्य क्वारेन्टाइनमा

दिल्लीको अल इण्डिया एन्स्टिट्युट अफ मेडिकल साइन्सेस् (एम्स्) ले आइतबार एक विज्ञप्ति जारी गर्दै बिरलालाई संक्रमण भएको जानकारी दिएको हो । शुक्रबार गरिएको परीक्षणमा बिरलालाई संक्रमण पुष्टि भएको थाह पाउनासाथ आफू क्वरेन्टिनमा बसेको राजदूत आचार्यले कान्तिपुरलाई बताए ।

राजदूत आचार्यले आफ्नो स्वास्थ्य अवस्था भने सामान्य रहेको र संक्रमणको कुनै लक्षण नदेखिएको बताएका छन् ।

सभामुख बिरला र राजदूत आचार्यबीच भेट भएको भोलिपल्ट कोरोना संक्रमण देखिएपछि बिरलालाई एम्स्को कोभिड वार्ड भर्ना गरिएको हो । बिरलाको स्वास्थ्य अवस्था भने सामान्य रहेको एम्स्ले जनाएको छ ।