कान्तिपुर वेबसाईट
AdvertisementAdvertisement
२५.१२°C काठमाडौं
काठमाडौंमा वायुको गुणस्तर: १३७

४० वर्षपछि घर आउँदै गरेका छोरा पर्खँदै धनमाया (तस्बिरहरु)

विप्लव भट्टराई

इलाम — ४० वर्षसम्म भारतका विभिन्न जेलमा बन्दी जीवन बिताएर फर्कँदै गरेका छोरा दुर्गाप्रसाद तिम्सिना (दीपक जैसी) प्रतीक्षामा माइ नगरपालिकाकी धनमाया बसिरहेकी छन् ।

४० वर्षपछि घर आउँदै गरेका छोरा पर्खँदै धनमाया (तस्बिरहरु)

उनीमात्र होइन अरु आफन्त र गाउँले नै भेला भएर उनलाई पर्खिरहेका छन् । वर्षौंदेखि अलग्गिएको छोरो कतिबेला आइपुग्छ भन्ने जिज्ञासा धनमायाको अनुहारमा प्रष्टै देखिन्छ ।

अदालतको आदेशपछि शनिबार दुर्गाप्रसाद तिम्सिना (दिपक जैसी) कोलकातास्थित दमदम जेलबाट मुक्त गरिएका थिए ।

दुर्गाप्रसादलाई लिन उनका भाइ प्रकाशचन्द्र, कोलकातास्थित नेपाली वाणिज्य दूतावासका सचिव सतिश थापालगायतको टोली कोलकाता पुगेका थिए ।

आइतबार बिहानसम्म झापाको काँकडभिट्टा आइपुगेका दिपक घर आउका लागि त्यहाँबाट टोलीसहित हिँडिसकेका छन् ।

जेलबाट छुटेपछि दुर्गाप्रसादले आफू निर्दोष रहेको बताएका छन् । उनले आफूलाई जेलमा कुटपिट गर्दै यातना समेत दिइएको बताएका छन् ।

कोलकाताको उच्च अदालतका न्यायाधीशद्वय थोट्टाथिल बी नायर राधाकृष्णन् र न्यायाधीश अनिरुद्र रोयले बुधबार उनलाई छाड्न आदेश दिएको थियो ।

दुर्गाप्रसादका वकिल हिरक सिन्हाका अनुसार हरेक ६ महिनामा दुर्गाप्रसादको मानसिक अवस्थाबारे कोलकातास्थित नेपाली महावाणिज्य दूतावासलाई जानकारी गराउनुपर्नेछ ।

प्रकाशित : चैत्र ८, २०७७ १५:५४
प्रतिक्रिया
पठाउनुहोस्
जनताको राय

८ देशका लागि सिफारिस भएका राजदूतको नाम लाग्यो ?

x