भट्टराईको आक्रोश- केपी ओलीभन्दा बढी भोट ल्याएर जितेको हुँ, मलाई केटो भनेर जिस्क्याउने ?- समाचार - कान्तिपुर समाचार
कान्तिपुर वेबसाईट
AdvertisementAdvertisement

भट्टराईको आक्रोश- केपी ओलीभन्दा बढी भोट ल्याएर जितेको हुँ, मलाई केटो भनेर जिस्क्याउने ?

टीकाप्रसाद भट्ट

रामेछाप — नेकपा (प्रचण्ड-नेपाल) समूहका नेता योगेश भट्टराईले आफू केपी ओलीभन्दा बढी मत ल्याएर जितेको सांसद भन्दै केटो भनेर नहेप्‍न चेतावनी दिएका छन् । ‘म प्रधानमन्त्री केपी ओलीभन्दा बढी भोट ल्याएर जितेको सांसद हुँ, उहाँसँगै लामो समयदेखि एकै कमिटीमा रहेर काम गर्दै आएको छु ’, भट्टराईले आक्रोश पोखे– ‘मलाई केटो भनेर जिस्क्याउने ?’ 

‘प्रधाानमन्त्रीले मलाई केटो भन्नुभएछ, हो म केटै हो, मेरो लिङ्ग छुट्टिएको छ, केटोको पहिचानसहित उभिएर बोल्दैछु’, आइतबार रामेछापको मन्थलीमा आयोजित जनसभामा भट्टराईले आक्रोश पोखे– 'उहाँको छुट्टिएको छैन होला ।'

सभामा उपस्थित कार्यकर्तालाई भट्टराईले प्रधानमन्त्री केपीको स्कुलमा भर्ना नहुन आग्रह गरे । ‘त्यो स्कुलमा मर्यादा सिकाइँदैन, सिष्टता र इमान्दारिता सिकिँदैन, त्यसमा भर्ना नहुनुहोला’ भट्टराईले भने ।

नेकपाको स्पष्ट बहुमत भएको प्रतिनिधिसभालाई असंवैधानिक कदमबाट विघटन गर्ने प्रधानमन्त्री केपी ओलीले कुन नैतिकताले फेरि प्रतिनिधिसभा माग गर्ने अधिकार छ ? भट्टराईले प्रश्न गरे । ‘प्रधानमन्त्रीको नैतिकता छैन, उहाँ जाली काम गर्दै आउनुभएको छ ’, उनले भने, 'संसद विघटन गर्ने अधिकार नहुँदा नहुँदै पनि मुलुकलाई अस्थिरतातिर लान प्रधानमन्त्रीले असंवैधानिक कदम उठाए । काम गर्न नदिएको भन्ने ओलीको जिकिरलाई मिथ्या भन्दै भट्टराईले भने– 'नेकपाले ल्याएको नीति तथा कार्यक्रम कुनचाहिँ फेल भएको थियो ? र काम गर्न पाइनँ भनेर गुनासो गर्दै हिँड्नुहुन्छ ।'

भट्टराईले मुलुक फेरि द्वन्द्वतिर लैजान प्रधानमन्त्री उद्यत रहेको भन्दै नेपाली जनताको आशा र भरोषा माथि कुठाराघात भएको बताए । ‘२०१७ साल दोहोर्‍याउने प्रधानमन्त्रीको नियत हो ’, भट्टराईले भने – 'तर त्यो सपना नदेखे हुन्छ ।'

प्रकाशित : माघ ४, २०७७ १७:५७
प्रतिक्रिया
पठाउनुहोस्

काठमाडाैं उपत्यकामा खुले विद्यालय [तस्बिरहरु]

तस्बिर : केशव थापा

काठमाडौँ — कोरोना भाइरस (कोभिड–१९) महामारीका कारण करिब १० महिनादेखि बन्द रहेका काठमाडाैं उपत्यकाका विद्यालय विद्यार्थीको भौतिक उपस्थितिमै सञ्चालनमा आएका छन् । स्थानीय तहले आफ्नो नगरक्षेत्रभित्र सञ्चालित सामुदायिक तथा संस्थागत विद्यालयलाई बालबालिकाको भौतिक उपस्थितिमै कक्षा सञ्चालन गर्न निर्देशन दिएपछि आइतबारबाट भाैतिक रुपमै कक्षा सञ्चालन गरिएकाे हो ।

कोभिड–१९ महामारीका गत चैतदेखि बन्द रहेका विद्यालयहरुले अनलाइन तथा भर्चुअल विधिबाट वैकल्पिक कक्षाहरु सञ्चालन गरिरहेकोमा नगरबासी अभिभावक, विद्यार्थी, विद्यालयका शिक्षकशिक्षिका, सञ्चालकलगायत सरोकारवालाहरुबाट प्राप्त राय सुझाव र नेपाल सरकार शिक्षा विज्ञान तथा प्रविधि मन्त्रालयबाट स्वीकृत विद्यालय सञ्चालनसम्बन्धी कार्यढाँचा–२०७७ बमोजिम स्वास्थ्य सुरक्षासम्बन्धी मापदण्ड पालना गरेर विद्यार्थीको भौतिक उपस्थितीमै कक्षा सञ्चालन गरेको नगरपालिकाहरुले जनाए ।

उपत्यकाका नगरपालिकाले आफ्नो नगरक्षेत्र भित्र सञ्चालित सामुदायिक तथा संस्थागत विद्यालयका शिशुदेखि १० कक्षा सम्म सञ्चालनमा ल्याएका छन् । विद्यालय सञ्चालन सम्बन्धी कार्यढाँचा–२०७७’ अनुसार विद्यार्थीको प्रत्यक्ष उपस्थितिमा स्वास्थ्य सम्बन्धी तोकिएका मापदण्डहरु पूर्णरुपमा पालना गर्ने गरी विद्यालय सञ्चालनमा ल्याएको मध्यपुर थिमि नगरपालिका शिक्षा, युवा तथा खेलकुद शाखा प्रमुख ज्ञानेन्द्र वनले बताए ।

कोभिड–१९ संक्रमितको संख्या बढ्न गएमा नगरपालिकासँग समन्वय गरी कुनैपनि समयमा भौतिक कक्षाहरु बन्द गरिने समेत जनाएको छ । थिमिस्थित आदर्श माध्यमिक विद्यालयका प्राधानाध्यापक बुद्धिकुमार धोले विद्यार्थीको संख्या बढ्दै गएमा वैकल्पिक दिनमा कक्षाहरु सञ्चालन गर्न नगरपालिकाबाट पत्राचार आएको बताए । विद्यालयले विद्यार्थी कक्षा प्रवेश गर्नुअघि ज्वरो नाप्ने, स्यानिटाइजर प्रयोग गर्न लगाउने र मास्कलाई अनिवार्य गराएको जनाएको छ । विद्यालयले विद्यालय बन्द भएको अवधिमा कक्षा १ देखि १० सम्मका विद्यार्थीलाई अनलाइन तथा भर्चअल कक्षा सञ्चालन गराएको भएपनि प्रभावकारी न्यून भएको सामुदायिक विद्यालयका शिक्षकशिक्षिकाहरु बताउँछन् ।


प्रकाशित : माघ ४, २०७७ १७:३३
पूरा पढ्नुहोस्
प्रतिक्रिया
पठाउनुहोस्
×