दाहाल स्वदेश फिर्ता
काठमाडौँ — नेकपाका दाहाल–नेपाल समूहका अध्यक्ष पुष्पकमल दाहाल शनिबार स्वदेश फर्किएका छन् । पत्नी सीताको उपचारका लागि यही पुस २० गते भारतको राजधानी नयाँदिल्ली हुँदै मुम्बई गएका अध्यक्ष दाहाल शनिबार स्वदेश फर्किएका उनको सचिवालयले जनाएको छ ।
अध्यक्ष दाहालको स्वागतका लागि नेकपाका नेता वर्षमान पुन, जोखबहादुर महरालगायत नेता तथा कार्यकर्ता त्रिभुवन अन्तर्राष्ट्रिय विमानस्थल पुगेका थिए । उनी पत्नी सीताको उपचार एवं अन्य बन्दोबस्तका लागि छोरी गङ्गा र रेनु दाहाललाई छाडेर स्वदेश फर्किएका उनको सचिवालयले जनाएको छ ।
प्रकाशित : पुस २५, २०७७ २०:३६प्रतिक्रिया