३१ वर्ष पुरानो साइकलमा मेयर
ललितपुर — साइकल लेन निर्माणको सुरुवात गर्न बिहीबार रातिदेखि सडकमा साइकल चिह्न र लाइन कोर्न प्राविधिकहरू खटिएका थिए । लेनको उद्घाटन ललितपुर महानगरका मेयर चिरिबाबु महर्जनले गर्ने तय भइसकेको थियो ।
कार्यक्रममा जान मेयर महर्जन अरू दिनजस्तो गाडीमा नभई घरबाट शनिबार साइकलमै पुल्चोकस्थित महानगर कार्यालय पुगे । उद्घाटनस्थल कुपन्डोलमा पनि अरू साइकलयात्रुसँगै साइकलमै आए । उद्घाटन गरे । त्यही साइकलमा थापाथली चोकबाट साइकल फर्काएर महानगर गए । ‘यो त ३१ वर्ष पहिले किनेको सन्तोषा साइकल हो,’ उनले भने, ‘म अरू बेला पनि चलाउँछु ।’
प्रकाशित : मंसिर १५, २०७६ १०:१६प्रतिक्रिया