हुन्डाईका विद्युतीय गाडी किन्न नबिलले १२.९९% ब्याजमा कर्जा दिने
काठमाडौँ — हुन्डाईका विद्युतीय गाडी किन्न नबिल बैंकले १२.९९ प्रतिशत ब्याजमा कर्जा दिने भएको छ । विद्युतीय गाडीको प्रवर्द्धनका लागि वित्तीय सुविधा प्रदान गर्ने उद्देश्यले हुन्डाईको आधिकारिक वितरक लक्ष्मी इन्टरकन्टिनेन्टल र नबिल बैंकबीच एक सम्झौता भएको छ ।
सो सम्झौताअनुसार हुन्डाईका विद्युतीय गाडी खरिदका लागि बैंकले सहज प्रक्रियाका साथ प्रक्रिया पूरा भएको ३ दिनमै कर्जा उपलब्ध गराउने छ । बैंकबाट विद्युतीय गाडी खरिदका लागि ७ वर्ष अवधिसम्मका लागि कर्जा लिन सकिनेछ । व्यक्तिगत प्रयोजनका विद्युतीय गाडीमा मूल्यको ८० प्रतिशतसम्म तथा संस्थागतका लागि ७० प्रतिशतसम्म कर्जा प्रदान हुनेछ ।
प्रतिक्रिया
