हुन्डाईका विद्युतीय गाडी किन्न नबिलले १२.९९% ब्याजमा कर्जा दिने - बजार - कान्तिपुर समाचार
कान्तिपुर वेबसाईट
AdvertisementAdvertisement

हुन्डाईका विद्युतीय गाडी किन्न नबिलले १२.९९% ब्याजमा कर्जा दिने 

कान्तिपुर संवाददाता

काठमाडौँ — हुन्डाईका विद्युतीय गाडी किन्न नबिल बैंकले १२.९९ प्रतिशत ब्याजमा कर्जा दिने भएको छ । विद्युतीय गाडीको प्रवर्द्धनका लागि वित्तीय सुविधा प्रदान गर्ने उद्देश्यले हुन्डाईको आधिकारिक वितरक लक्ष्मी इन्टरकन्टिनेन्टल र नबिल बैंकबीच एक सम्झौता भएको छ ।

सो सम्झौताअनुसार हुन्डाईका विद्युतीय गाडी खरिदका लागि बैंकले सहज प्रक्रियाका साथ प्रक्रिया पूरा भएको ३ दिनमै कर्जा उपलब्ध गराउने छ । बैंकबाट विद्युतीय गाडी खरिदका लागि ७ वर्ष अवधिसम्मका लागि कर्जा लिन सकिनेछ । व्यक्तिगत प्रयोजनका विद्युतीय गाडीमा मूल्यको ८० प्रतिशतसम्म तथा संस्थागतका लागि ७० प्रतिशतसम्म कर्जा प्रदान हुनेछ ।


प्रकाशित : मंसिर १३, २०७९ १९:१८
प्रतिक्रिया
पठाउनुहोस्

सुनसरी ३ मा एमालेकी भगवती चौधरी निर्वाचित

सुम्निमा चाम्लिङ

सुनसरी — प्रतिनिधिसभाको सुनसरी क्षेत्र नम्बर ३ मा एमालेकी भगवती चौधरी निर्वाचित भएकी छन् ।

सत्ता गठबन्धनका उम्मेदवार एवं कांग्रेस नेता विजयकुमार गच्छदारलाई ५ हजार १८८ मतान्तरले पराजित गर्दै उनी निर्वाचित भएकी हुन् ।

चौधरीले ४० हजार ७ सय ८८ मत प्राप्त गरिन् । पूर्व उपप्रधानमन्‍त्री समेत रहेका गच्छदारले ३५ हजार ६ सय मत प्राप्त गरे ।

यसअघि २०७४ सालको निर्वाचनमा गच्छदारले चौधरीलाई ३ सय ८१ मतले पराजित गर्दै निर्वाचित भएका थिए । गच्छदारले त्यसबेला ३८ हजार ९७२ मत प्राप्त गरेका थिए ।


प्रकाशित : मंसिर १३, २०७९ १९:१७
पूरा पढ्नुहोस्
प्रतिक्रिया
पठाउनुहोस्
×