रियलमीको नार्जो ५० आई प्राइम नेपाली बजारमा - बजार - कान्तिपुर समाचार
कान्तिपुर वेबसाईट
AdvertisementAdvertisement

रियलमीको नार्जो ५० आई प्राइम नेपाली बजारमा 

कान्तिपुर संवाददाता

काठमाडौँ — स्मार्टफोन ब्रान्ड रियलमीले आफ्नो नार्जो समूहमा फेरि अर्को एउटा सिरिज थपेको छ– रियलमी नार्जो ५० आई प्राइम । यसले नार्जोको स्टाइलिस डिजाइन, छरितो पर्फर्मेन्स र पावरफुल प्रोसेसरको लेगेसीलाई अझै विशाल बनाउने रियलमीको दाबी छ । 

फोन सार्वजनिक कार्यक्रममा बोल्दै रियलमीका कन्ट्री हेड मुनिस गिरीले भने ‘नेपालको गेमिङ क्राउडले नार्जो सिरिजलाई एकदमै मन पराएको थियो । नार्जो ५० आई प्राइमको पावरफुल युनिसक टी ६१२ प्रोसेसरले पहिलाको भन्दा अझै पावरफुल पफर्मेन्स प्रदान गर्छ ।’

रियलमी नार्जो ५० आई प्राइमको सहुलियत मूल्यमा उपलब्ध अहिलेसम्मकै पातलो र हल्का वजनको फोन भएको पनि कम्पनीले दावी गरेको छ । ८.५ मिमिको अल्ट्रा स्लिम बडी भएको यस फोनको तौल भने जम्मा १८२ ग्राम छ । भर्टिकल स्ट्राइप डिजाइनले हेर्दा जति आकर्षक देखाएको छ, यसको प्रोसेसर पनि उत्तिकै शक्तिशाली छ ।

५ हजार एमएएचको शक्तिशाली ब्याट्री रहेकोले स्ट्यान्ड बाइ मोडमा ४५ दिनसम्म टिक्न सक्ने कम्पनीको दाबी छ । ३ जीबी र्‍याम र ३२ जीबी रोम भएको सेटको मूल्य १४ हजार ४९९ रुपैयाँ तोकिएको छ । ४ जीबी र्‍याम र ६४ जीबी रोम भएको सेटको मूल्य १५ हजार ९९९ रुपैयाँ रहेको छ । यी फोनहरु आकर्षक डार्क ब्लु र मिन्ट ग्रिन रंगहरुमा उपलब्ध छन् ।


प्रकाशित : मंसिर ८, २०७९ १३:४५
प्रतिक्रिया
पठाउनुहोस्

दाङ- ३ (१) मा कांग्रेसका चौधरी निर्वाचित

दुर्गालाल केसी

दाङ — दाङ क्षेत्र नं. ३ प्रदेशसभा १ बाट नेपाली कांग्रेसका उम्मेदवार डिल्ली बहादुर चौधरी निर्वाचित भएका छन् । उनले १९ हजार ८ सय ५० मत प्राप्त गरेका छन् भने नेकपा एमालेका घनश्याम पाण्डेले १४ हजार ४ सय ५० मत ल्याएका छन् ।

उनीहरूको मतान्तर ५ हजार ४ सय रहेको छ । चौधरी सत्ता गठबन्धनका तर्फबाट उम्मेदवार भएका थिए । यस क्षेत्रमा ६६ हजार ४ सय ८६ मतदाता रहेकोमा ४० हजार ७ सय ८९ मत खसेको थियो ।

चौधरी २०७४ मा यही क्षेत्रबाट प्रदेशसभा सदस्य निर्वाचित भई हाल लुम्बिनी प्रदेशको पर्यटन, ग्रामीण तथा शहरी विकास मन्त्री थिए । पाण्डे २०७४ मा एमालेबाट तुलसीपुर उपमहानगरपालिकाको प्रमुखमा निर्वाचित भएका थिए ।

प्रकाशित : मंसिर ८, २०७९ १३:३८
पूरा पढ्नुहोस्
प्रतिक्रिया
पठाउनुहोस्
x
×