होटल र्‍याडिसनको नोक्सानी घट्यो - बजार - कान्तिपुर समाचार
कान्तिपुर वेबसाईट
AdvertisementAdvertisement

होटल र्‍याडिसनको नोक्सानी घट्यो 

कान्तिपुर संवाददाता

काठमाडौँ — कोरोनाको असर न्यून भई आर्थिक चलायमान बढेसँगै होटल र्‍याडिसनको नोक्सानी घटेको छ । आर्थिक वर्ष २०७७/७८ मा खुद २०.३६ करोड नोक्सानी ब्यहोरेको ओरियन्टल होटल्स लिमिटेडले गत आर्थिक वर्ष २.४६ करोड नोक्सानी ब्यहोरेको जनाएको छ ।

गत आर्थिक वर्षमा होटलको कुल आम्दानी बढेसँगै नोक्सानी घटेको हो । गत आर्थिक वर्ष होटलले ६२.२२ करोड कुल आम्दानी गरेको थियो । जबकि आर्थिक वर्ष २०७७/७८ मा १३.१२ करोड कुल आम्दानी आर्जन भएको थियो । कोभिड १९ को प्रभाव क्रमश: घट्दै जानु र पर्यटकको आगमन वृद्धि हुँदै जानाले आम्दानीमा वृद्धि भएको कम्पनीले जनाएको छ । आउने दिनमा पर्यटन व्यवसायले थप गति लिएमा कम्पनी नाफामा जान सक्ने छ । ‘दुई वर्षसम्म कोभिड १९ को प्रभावले पर्यटक आगमन नहुनुका साथै सरकारबाट जारी निर्देशन अनुसार सबै सभा, सम्मेलन, गोष्ठि, तालिम, सेमिनार, स्वीमिङ पुल, हेल्थ क्लब आदिको सेवामा लागेको बन्देजका कारण पर्यटन व्यवसाय धरासयी भएको हो’ होटलले जारी गरेको विज्ञप्तिमा भनिएको छ ।



प्रकाशित : आश्विन १४, २०७९ १७:२४
प्रतिक्रिया
पठाउनुहोस्

लाल मोहम्मद हत्या आरोपित सार्वजनिक

कान्तिपुर संवाददाता

काठमाडौँ — काठमाडौंको गोठाटारमा भएको लाल मोहम्मद अन्सारीको हत्या आरोपमा पक्राउ परेका तीन जनालाई प्रहरीले सार्वजनिक गरेको छ । केही दिनअघि पक्राउ परेका उनीहरूलाई काठमाडौं प्रहरी परिसरले शुक्रबार सार्वजनिक गरेको हो ।

अन्सारीको हत्यामा पेस्तोल उपलब्ध गराउने वीरगन्जका मोहम्मद महारम मियाँसहित तीन जनालाई प्रहरीले पक्राउ गरी शुक्रबार सार्वजनिक गरेको हो ।

प्रहरीले वीरगञ्ज महागरपालिका १६ का २१ वर्षीय महोरम मियाँ, वीरगञ्ज महानगरपालिका १५ का १९ वर्षीय रेहान मियाँ र मकवानपुर बकैया गाउँपालिका १ की सुमी भनिने सुस्मिता स्याङताङलाई शुक्रबार सार्वजनिक गरेको हो । वीरगञ्जका महोरम र रेहानले हत्याको योजना बनाउनुका साथै हतियार व्यवस्थापन गरेको प्रहरीको अनुसन्धानमा खुलेको बताइएको छ । सुस्मिताले भने अन्सारीको गतिविधि निगरानी गरेको प्रहरीले जनाएको छ ।

गत असोज ३ गते काठमाडौंको गोठाटारस्थित जम्बुडाँडामा गार्मेन्ट व्यवसायी लाल मोहम्मदको गोली हानी हत्या भएको थियो । मोटरसाइकलमा आएका २ जनाले गोली हानी फरार भएका थिए ।

घटनाका मुख्य योजनाकार लामो समयदेखि काठमाडौं बस्दै आएका नितिन मदन भएको आशंका गरिएको छ । प्रहरीका अनुसार हाल उनी फरार छन् । घटनामा भारतीय आपराधिक समूह र उनीहरूको सहयोगीका रूपमा काठमाडौंमा रहेका व्यक्तिमाथि शंका गरिएको थियो ।

घटनाको अनुसन्धानका लागि काठमाडौं उपत्यका अपराध अनुसन्धान कार्यालयका एसएसपी जनक भट्टराईको नेतृत्वमा अनुसन्धान टोली गठन गरिएको थियो ।

प्रकाशित : आश्विन १४, २०७९ १७:०९
पूरा पढ्नुहोस्
प्रतिक्रिया
पठाउनुहोस्
×