ई–सेवाबाट बीमा भुक्तानी गर्ने इलामका अनुपमले जिते १ लाख- बजार - कान्तिपुर समाचार

ई–सेवाबाट बीमा भुक्तानी गर्ने इलामका अनुपमले जिते १ लाख

कान्तिपुर संवाददाता

काठमाडौँ — भुक्तानी प्रणाली सेवा प्रदायक ‘ई–सेवा’ले सञ्चालन गरेको ‘बीमा शुल्क भुक्तानी गरिन्छ, लखपति बनिन्छ’ योजनामा इलामका अनुपम पोखरेलले एक लाख रूपैयाँ जितेका छन् । उनले नेपाल लाइफ इन्स्योरेन्सको बीमा शुल्क ई–सेवामार्फत भुक्तानी गरेका थिए ।

ई–सेवाले बीमीतहरूलाई घरमै बसेर बीमा शुल्क भुक्तानी गर्न प्रोत्साहन मिलोस् भन्ने उदेश्यले जेठ ५ गतेदेखि भदौ ५ गतेसम्म लखपति योजना सञ्चालन गरेको थियो । यस योजनामा बम्पर उपहार बिजेता पोखरेललाई बीमा गराउने अभिकर्ता रोहित पोखरेलले २० हजार रुपैयाँ नगद पुरस्कार पाएका छन् । पोखरेलले बीमा गरेको नेपाल लाइफ इन्स्योरेन्स्को इलाम शाखाले समेत २० हजार रुपैयाँ प्राप्त गरेको छ ।

विजेताहरूलाई शुक्रबारको कार्यक्रमका ई–सेवाका प्रमुख कार्यकारी अधिकृत सुवास सापकोटाले नगद हस्तान्तरण गरेका थिए । लखपति योजनाभर ई–सेवाबाट बीमा शुल्क भुक्तानी गर्ने ९४ जनाले जनही १ हजार रुपैयाँ जितेका थिए । ई–सेवाले हरेक हप्ता गोलाप्रथाबाट विजेता चयन गरेको थियो । नगद हस्तान्तरण कार्यक्रममा बोल्दै ई–सेवाका प्रमुख कार्यकारी सापकोटाले बीमा क्षेत्रमा डिजिटल भुक्तानीलाई प्रोत्साहन गर्न थप योजना सार्वजनिक गर्ने बताए ।

प्रकाशित : आश्विन ८, २०७९ ११:४८
प्रतिक्रिया
पठाउनुहोस्

एभरेष्ट बैंकले सुरू गर्‍यो ई–पैँचो फोन लोन सुविधा

कान्तिपुर संवाददाता

काठमाडौँ — एभरेष्ट बैंकले ‘ई–पैँचो फोन लोन’ सुविधा सुरू गरेको छ । बैंकले योग्य मानेका ग्राहकहरूले मोबाइल एप ‘इबीएल टच २४’ मार्फत बिनाधितो २ लाख रुपैयाँसम्म कर्जा प्राप्त गर्न सक्नेछन् ।

ई–पैँचो फोन लोनमार्फत लिएको कर्जा एक महिनाभित्र वा ३, ६, ९ अथवा १२ महिनासम्ममा किस्ताबन्दीमा चुक्ता गर्न सकिने बैंकले जनाएको छ । बैंकबाट गरिएका कारोबार, बैंकमा तलब खाता खोलेको छ/छैन, ऋण बक्यौता छ/छैन लगायत विवरण हेरेर कर्जा दिइन्छ । आफूले लिएको कर्जा चाँडै तिर्न चाहने ग्राहकका लागि ऋणको बक्यौतासहित पूर्व भुक्तानीको विकल्प पनि उपलब्ध रहेको विज्ञप्तीमा भनिएको छ ।

बैंकका अनुसार ई–पैँचो फोन लोनका लागि कुनै पनि फोनपे मर्चेन्टमा क्यूआर भुक्तानी गर्दा ‘बाई नाउ पे लेटर’ सुविधा प्रयोग गर्न सक्नेछन् । फोन लोन सेवा प्रयोग गर्न ग्राहकले प्रमाणित इमेल ठेगाना राखेर ई–पैँचो फोन लोनको अनलाइन फारम भर्नुपर्छ । बैंकको एपमा रहेको ई–पैँचो फोन लोन आइकनमा थिचेर इमेल प्रमाणिकरण गरेपछि ग्राहकले तुरुन्तै बिनाधितो कर्जा लिन सक्नेछन् ।

प्रकाशित : आश्विन ८, २०७९ ११:४४
पूरा पढ्नुहोस्
प्रतिक्रिया
पठाउनुहोस्
×