बिहीबारदेखि ‘सुपर डान्सर नेपाल’ को प्रसारण

यो रियालिटी सो हरेक बिहीबार र शुक्रबार कान्तिपुर टेलिभिजनमा प्रसारण हुनेछ । ‘सुपर डान्सर नेपाल’को 'जज'मा भुवन केसी, जसिता गुरुङ र सुरेन राई रहेका छन् भने कार्यक्रम होस्टमा कविता नेपाली र विल्सन विक्रम राई छन् । कार्यक्रममा को–निर्देशकको भूमिकामा भुषण दाहाल रहने छन् । देशका विभिन्न शहरहरु काठमाडौं, पोखरा, इटहरी, हेटौंडा, बुटवल, नेपालगञ्जमा फिजिकल अडिसन हुनुका साथै नेपाल बाहिरका नेपालीभाषी भएको ठाउँहरुको प्रतिभा समेत सहभागी गराउने उद्देश्यका साथ डिजिटल अडिसन गरिएको थियो ।