दरबार सिनेम्याक्समा 'एयर स्टेरिलाइजर सिस्टम' जडान
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
म्याग्दी — दरबारमार्गस्थित दरबार सिनेम्याक्समा कोरोना लगायत भाइरसकाे असर न्यूनीकरण गर्न एयर स्टेरिलाइजर सिस्टम जडान गरिएको छ । सिस्टम जडान सम्झौतापत्रमा दरबार सिनेम्याक्सको तर्फबाट प्रवन्ध निर्देशक दिप्रश शाक्य र प्लानेट हेल्थकेयरको तर्फबाट रोजन श्रेष्ठले हस्ताक्षर गरे ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![दरबार सिनेम्याक्समा 'एयर स्टेरिलाइजर सिस्टम' जडान](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2022/third-party/durbarmargcine-2172022093827-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
गुण समूह अन्तर्गतको सिनेमा भवन दरबार सिनेम्याक्सले नेपालमै पहिलो पटक जर्मन प्रबिधिबाट निर्मित उल्फ एयर स्टेरिलाइजर जडान गरिएको दाबी गरेको छ । यसले हावामा फैलने मोल्ड, कोरोना वा इन्फ्लुएञ्जा लगायत ब्याक्टेरिया, राग, इत्यादिलाई निष्क्रिय बनाउन मद्दत गर्छ । यसले सिनेमा हलहरुमा सम्पूर्ण ब्याक्टेरिया, धुलो र गन्ध केही समयभित्रै निस्प्रभावी बनाउँछ र सिनेमाहलभित्र शुद्ध हावा सिर्जना गर्ने दरबार सिनेम्याक्सले जनाएको छ।
वैज्ञानिक रुपमा समेत सबै उमेर समूहको लागि यो उपयुक्त मानिने र हावाको गुणस्तर वृद्धि गर्ने कम्पनीका प्रबन्ध निर्देशक रोजन श्रेष्ठले बताए । उनले दरबार सिनेम्याक्स नेपालमा एयर स्टेरिलाइजर सिस्टम स्थापना गर्ने पहिलो कम्पनी भएको बताए । दरबार सिनेम्याक्सका प्रवन्ध निर्देशक दिप्रश शाक्यका अनुसार यस्तो एयर स्टेरिलाइजेसन सिस्टमले हलभित्रका दर्शककाे सुरक्षाको लागि समेत मद्दत पुग्ने बताए । उनले भने 'हलसम्म जाने दर्शकलाई कोरोनाका बेला उच्चतम सुरक्षा मापदण्डहरु कायम राख्दै सुरक्षित तुल्याउने वातावरण बनेकाे छ।'
![](https://assets-cdn.ekantipur.com/uploads/source/ads/900-x-100-1-0282024055738.gif)