नागरिक लगानीको कर्मचारी बचत वृद्धि कोषमा १.५% प्रतिफल - बजार - कान्तिपुर समाचार
कान्तिपुर वेबसाईट
AdvertisementAdvertisement

नागरिक लगानीको कर्मचारी बचत वृद्धि कोषमा १.५% प्रतिफल 

कान्तिपुर संवाददाता

काठमाडौँ — नागरिक लगानी कोषले कर्मचारी वचत वृद्धि स्वीकृत अवकास कोष कार्यक्रमका करिब २ लाख ९८ हजार सहभागीलाई कोषको आर्थिक वर्ष २०७७/७८ सम्मको मुनाफाबाट १ दशमलव ५ प्रतिशत थप प्रतिफल दिने भएको छ । कोष संचालक समितिको असार ११ गते बसेको बैठकले उक्त निर्णय गरेको हो । 

२०७८ असार मसान्तसम्मको बचत रकममा संचित मुनाफाबाट एक दशमलव ५ प्रतिशतका दरले थप प्रतिफल दिँदा सहभागीहरुको खातामा कुल रकम १ अर्ब ७४ करोड रुपैयाँ जम्मा हुने छ । प्रतिफलबाट प्राप्त रकम कोषमा रहेको सहभागीहरुको खातामा जम्मा गर्ने व्यवस्था कोषले गरिसकेको छ ।


प्रकाशित : असार १२, २०७९ १८:४२
प्रतिक्रिया
पठाउनुहोस्

छुट्टाछुट्टै दुर्घटनामा ४ जनाको मृत्यु, तीन घाइते

लक्ष्मी गौतम

पाँचथर — मेची राजमार्गको इलाम फिदिम सडकखण्डअन्तर्गत पाँचथरको फाल्गुनन्द ३ पाङग्रेभीरमा कार दुर्घटना हुँदा एक जनाको मृत्यु भएको छ भने एक जना गम्भीर घाइते भएका छन् ।

पाँचथरको रविदेखि झापाको दमकसम्म बिरामी लिएर जाने क्रममा इलामको माङसेवुङ-२ मा दुर्घटनामा परेको जिप । तस्बिर : कान्तिपुर 

आइतबार अपराह्न ४:२० मा झापाको बिर्तामोडदेखि पाँचथरको फिदिम आउँदै गरेको मे १ ज २७८४ नम्बरको कार अनियन्त्रित भई सडकबाट सात सय मिटर तल खस्दा कारका चालक झापा जलथल ५ निवासी ४५ वर्षीय प्रकाश बुढाथोकीको घटनास्थलमै ज्यान गएको हो ।

दुर्घटनामा कारमा सवार पाँचथर फालेलुङ २ का ३६ वर्षीय भिष्म केरुङ घाइते भएका छन् । उनको अवस्था गम्भीर रहेकाले उपचारार्थ झापामा पठाइएको जिल्ला प्रहरी कार्यालय पाँचथरका प्रहरी नायव उपरीक्षक राकेश थापाले जानकारी दिए ।

यस्तै पाँचथरको मिक्लाजुङ गाउँपालिका केन्द्र रबिबाट झापाको दमकतर्फ बिरामी लिएर जाँदै गरेको मे १ ज ४८७ नम्बरको बोलेरो सडकबाट एक सय ५० मिटर तल खस्दा ३ जनाको घटनास्थलमै मृत्यु भएको छ ।

दुर्घटनामा मिक्लाजुङ-५ का ६५ वर्षीय हिमप्रसाद लावती र उनकी ५७ वर्षीय श्रीमती पदमकुमारी लिम्बू, इलाम माङसेवुङ २ बस्ने ५० वर्षीय प्रकाश राईको घटनास्थलमै मृत्यु भएको हो ।

दुर्घटना माङसेवुङ-२ दहगाँउमा भएको प्रदेश प्रहरी कार्यालय विराटनगरले जनाएको छ । प्रहरीका अनुसार बोलेरोमा तीन जना मात्रै सवार थिए ।

प्रकाशित : असार १२, २०७९ १८:४०
पूरा पढ्नुहोस्
प्रतिक्रिया
पठाउनुहोस्
×