नोकिया जी २१ स्मार्टफोन नेपाली बजारमा- बजार - कान्तिपुर समाचार

नोकिया जी २१ स्मार्टफोन नेपाली बजारमा

कान्तिपुर संवाददाता

काठमाडौँ — नोकिया फोनेको उत्पादक तथा वितरक एचएमडी ग्लोबलले नोकिया जी सिरिज अन्तर्गत नयाँ नोकिया जी २१ सर्वजनिक गरेको छ । यो एन्ड्रोइड स्मार्टफोनमा तीन दिनसम्म टिक्ने ब्याट्री लाइफ रहेको कम्पनीको दावी छ । सुपर ब्याट्री सेभर मोडको सुविधा यसमा छ । 

एसिया प्यासिफिक र चाइनाको लागि एचएमडी ग्लोबलका भाइस प्रेसिडेन्ट रवि कुँवरले बनावट मात्र बलियो नभई यसको ओएस र सेक्युरिटी पनि उत्तिकै भरपर्दो रहेको दाबी गरे । ‘ओएसमा २ वर्ष र सेक्युरिटी अपडेट ३ वर्षसम्म गर्न मिल्ने हुनाले धेरै पछिसम्म पनि नयाँ फोन चलएको आभास हुन्छ’ उनल भने । नोकिया जी २१ मा मास्क मोड पनि रहेको छ जसले फेस मास्क लगाइको स्थितिमा पनि फेस पहिचान गरी अनलक गर्न सक्छ ।

भर्सटायल ट्रिपल–लेन्स क्यामेराको साथ आएको यो फोनबाट उत्कृष्ट गुणस्तरको फोटो खिच्न सकिन्छ । कम प्रकाशमा पनि सुन्दर डिटेलहरु क्याप्चर गर्न मिल्ने यी लेन्सबाट बेलुकाको समयमा पनि सुन्दर सेल्फी लिन सकिने कम्पनीले जनाएको छ । यो नयाँ फोन कडा पोलीकार्बोनेटले बनेको हुँदा अत्यन्तै मजबुत रहेको कम्पनीको दावी छ । ६/१२८ जीबीको स्टोरेजमा उपलब्ध यो फोनको मूल्य २२ हजार ९९९ रुपैयाँ तोकिएको छ । ब्लू र डस्क रंगमा उपलब्ध नोकिया जी २१ नेपालभरका सम्पूर्ण रिटेल स्टोरहरुमा उपलब्ध छ ।


प्रकाशित : असार २, २०७९ १७:३८
प्रतिक्रिया
पठाउनुहोस्

एसपीपीमा ओलीको स्वीकृति, क्षत्रीको पत्राचार

कान्तिपुर संवाददाता

काठमाडौँ — पूर्वप्रधानमन्त्री केपी शर्मा ओलीले पहिलोपटक २०७२ सालमा सरकारको नेतृत्व गरिरहेकै समयमा नेपाली सेनाका प्रधानसेनापति राजेन्द्र क्षत्रीले अमेरिकासँग 'नेसनल गार्ड स्टेट पार्टनरसिप प्रोग्राम (एनजीएसएसपी)' सम्झौताका लागि पत्राचार गरेको देखिएको छ ।

तत्कालीन प्रधानसेनापति क्षत्रीले नेपालस्थित तत्कालीन अमेरिकी राजदूत अलाइना बी टेप्लिजलाई औपचारिक पत्राचार गर्दै नेपाल सरकारको तर्फबाट एनजीएसएसपी कार्यक्रममा निकट भविष्य नै सामेल हुन इच्छुक रहेको स्पष्ट पारेको तीन बुँदे पत्रको पहिलो बुँदामा उल्लेख गरिएको छ ।

यस्तै, दोस्रो बुँदामा भने यस कार्यक्रममा सहभागी हुँदा यसले दीर्घकालीन तथा दुई पक्षलाई नै फाइदा पुग्ने गरी सुरक्षा सम्बन्ध मजबुत हुनुका साथै सैन्य कुशलता तथा अनुभव आदानप्रदानमा सहयोग पुग्ने तथा सुरक्षा ज्ञान आदानप्रदान गर्न मद्दत पुग्नुका साथै सुरक्षा समन्वयमा थप क्षमता वृद्धि हुनेछ । यस कार्यक्रमले दुवै पक्षको चाहना रहेको प्रकोप प्रतिकार्य तयारी तथा व्यवस्थापन, वायुसेवा पूर्वाधार व्यवस्थापन र सुरक्षा आदानप्रदान र संवेदनशील पूर्वाधार विकासका साथै नेपाली सेनाका अधिकारीहरुको व्यावसायिकरण र विकासमा सहयोग पुग्नेछ ।

साथै, तेस्रो बुँदामा नेपाली सेना यस कार्यक्रमका लागि तत्पर रहेको हुँदा नेपालस्थित अमेरिकी दूतावासलाई उच्च प्राथमिकता दिन आग्रह गरिएको छ । यो पत्र सम्बन्धमा नेपाली सेनाले अध्ययन गरिरहेको बताएको छ । नेपाली सेनाका प्रवक्ता नारायण सिलवालले सार्वजनिक भएको पत्रबारे अध्ययन भइरहेको र सबै बुझेपछि प्रतिक्रिया दिने बताए ।

सच्याइएको : तत्कालीन प्रधानसेनापति राजेन्द्र क्षत्री हुनुपर्नेमा अन्यथा भएकोमा सच्याइएको छ ।


प्रकाशित : असार २, २०७९ १७:२५
पूरा पढ्नुहोस्
प्रतिक्रिया
पठाउनुहोस्
x
×