सेगवे नाइनबटको स्मार्ट इलेक्ट्रिक स्कुटर 'ई-१००' नेपालमा

त्यसैगरी, स्कुटरको स्ट्यान्ड नउठाउँदासम्म पनि यो चल्दैन । सेगवे इ–१०० मा किलेस सिस्टम छ । सुन्दर ढंगले डिजाइन गरिएको साँचो बाहेक रिमोट कन्ट्रोलमा दुईवटा बटनहरु छन् । एउटाले स्कुटरलाई अन/अफ मोडमा राख्छ भने अर्कोले स्कुटरलाई लक गर्न मद्दत गर्दछ ।

सिट कुसनको तल्लो भागमा रहेको २२ लिटर क्षमताको सिट कास्कले पूर्ण साइजको हेलमेट अथवा १३ इन्चको ल्यापटप अट्ने ब्याग अथवा सोही भोल्युमको वस्तुहरु राख्ने पर्याप्त ठाउँ उपलब्ध गराउँछ । यो स्कुटर विभिन्न चार रंगहरु कालो, सेतो, नीलो र रातोमा उपलब्ध छ । परम्परागत स्कुटरको तुलनामा ई–१०० आकर्षक डिजाइनमा उपलब्ध छ । विद्युतीय सवारी साधन भए पनि इ–१०० को तौल ८० केजी छ ।

यसमा छ वटा लेन्स सहितको इन्टेलिजेन्ट म्याट्रिक्स एलईडी हेडल्याम्प राखिएको छ जसले स्वचालित रुपमा वातावरणीय प्रभाव अनुसार प्रकाश फाल्छ । यो इ–स्कुटरमा मोबाइल चार्जिङ स्लट, तीन फरक ड्राइभिङ मोड, लिथियम–आयनयुक्त पानी प्रतिरोधी ब्याट्री छ । डुअल ब्याट्री मोड अन्तर्गत यसमा २०० किलोमिटरसम्म यात्रा गर्न सकिन्छ । सेगवे इ–१०० को नेपाली बजार मूल्य २ लाख ९१ हजार तोकिएको छ ।

सन् २००१ देखि यो कम्पनी दुई पांग्रे सेल्फ–ब्यालेन्सिङ सवारी र इलेक्ट्रिक सवारी उत्पादनको लागि प्रख्यात छ । बम डिस्पोजल रोबोट, पर्सनल रोबोट, डेलिभरी रोबोटजस्ता उपादन गरेको यस कम्पनीले नाइनबटसँग रणनीतिक सहकार्य गरेको छ । सेगवे नाइनबोटको लागि नेपालमा 'आई हव' आधिकारिक आयातकर्ता र वितरक कम्पनी हो ।