‘अग्नि’लाई लालबन्दी नगर वाङ्मय भाषा तथा साहित्य पुरस्कार

भाषा, कला, साहित्य, सङ्गीत तथा संस्कृतिको संरक्षणका लागि उल्लेख्य योगदान पुर्‍याएको भन्दै परिषद्ले ‘अग्नि’ महाकाव्यलाई पुरस्कार प्रदान गर्ने जनाएको हो ।

५० हजार रुपैयाँ राशिको उक्त पुरस्कार डा. लम्सालको ‘अग्नि’ लाई दिने परिषद्ले जारी गरेको विज्ञप्तिमा उल्लेख छ । डा. लम्सालको ‘अग्नि’ महाकाव्य मदन पुरस्कार र पद्मश्रीको उत्कृष्ट सूचीमा समेत परेको छ । लम्सालका कर्ण, धरा र अग्नि ३ महाकाव्य सहित ८ पुस्तक प्रकाशित छन् ।

डा. लम्सालको ‘अग्नि’ महाकाव्यलाई सुदूरपश्चिम साहित्य समाजले यसअघि नै एक लाख ११ हजार १ सय ११ रुपैयाँसहित २०७८ को पुरस्कार घोषणा गरिसकेको छ ।

परिषद्ले १० हजार रुपैयाँ राशिको लालबन्दी नगर वाङ्मय स्थानीय प्रतिभा पुरस्कार–२०७९ सर्लाही लालबन्दीका क्षितिज विश्वकर्मालाई दिइने जनाएको छ ।