६० जनालाई ‘सत्यमोहन जोशी शताब्दी पदक’

त्रिमूर्ति निकेतनले नेपाली वाङ्मय क्षेत्रका शिखर व्यक्तित्व संस्कृतिविद् तथा शताब्दी पुरुष सत्यमोहन जोशीको योगदानलाई देशदेशान्तर पुर्‍याउन कुशल भूमिका निर्वाह गर्ने व्यक्तित्वहरुलाई उक्त पदक प्रदान गर्ने मंगलबार निर्णय गरेको हो ।

संस्थाका सदस्य सचिव नरेन्द्रराज प्रसाईंका अनुसार अजरमान जोशी, अनुराधा थापा, कृष्णगोपाल श्रेष्ठ, गोपालनाथ योगी, प्रमोद प्रधान, कञ्चनजंघा प्रसाईं, मणि लोहनी, सुशीला तामाङलगायत ५ दर्जनलाई यही जेठ २१ गते त्रिमूर्ति दिवसका अवसरमा पदक समर्पण गरिनेछ । यस अघि २ सय २६ जना व्यक्तिहरुले पदक ग्रहण गरिसकेका छन् ।