रोल्पामा सुनिए ‘समयका १७ कविता’- साहित्य/विविध - कान्तिपुर समाचार
कान्तिपुर वेबसाईट
AdvertisementAdvertisement

रोल्पामा सुनिए ‘समयका १७ कविता’

कान्तिपुर संवाददाता

काठमाडौँ — सुनिल स्मृति साहित्य महोत्सवको दोस्रो दिन ‘समयका कविता’ शीर्षकमा १७ कविहरूले कविता वाचन गरेका छन् । पाल्पाका कवि जनक कार्कीले बिजुलीले खम्बा शीर्षकको कविता वाचन गरे भने रामेछापका कवि विक्रम पवन परियारले आवाज शीर्षकमा कविता वाचन गरे ।

त्यस्तै राजु झल्लु प्रसादले ‘बिम्ब परिवर्तन गर कवि हो’, अर्पण उत्कर्षले ‘लालसलाम र ताम्सालिङ’, प्रेम प्रकाश मायालुले ‘आगो लिन गएकाहरू’, सविना भुषालले ‘मेरी मरियाना, छोरा जन्माउन कहाँ सजिलो छ र ?’, युग सर्वनामले ‘खोलाको गति’, समृद्धि नेपालले ‘हाम्रो देश बोल्छ’, सुशीला सुवेदीले ‘आमा, अझै पनि याद छ मलाई’, विपना मगरले ‘कठै मेरो देशको राजनीति’, एलबी साथीले ‘सिटामोल’, उत्तम लिम्बुले ‘कन्डम फुटेपछि’, मुकुन्द खलपात्रले ‘अर्धनग्न सगरमाथा’ शीर्षकका कविता वाचन गरेका थिए ।

महोत्सवको मुख्य आकर्षणको रुपमा रहेको यस सेसनमा कविहरूले क्रान्तिको इपिसेन्टर रोल्पाले १० वर्षे जनयुद्धको मर्मलाई बिर्सनु नहुने बताए ।

कार्यक्रममा बोल्दै कविद्वय श्रवण मुकारुङ र श्यामलले युवा कविहरूले आशालाग्दो तरिकाले कविता लेखिरहेको बताए । त्यस्तै समालोचक एवम् पत्रकार राजकुमार बानियाँले युवा कविहरूमा समसामयिक एवं वैश्विक राजनीति चेत देखिएको भन्दै आफू खुसी भएको बताए ।

प्रकाशित : पुस २६, २०७८ १७:२६
प्रतिक्रिया
पठाउनुहोस्

वीरगन्ज नाकामा १३ जनामा कोरोना संक्रमण पुष्टि  

शंकर आचार्य

पर्सा — वीरगन्ज नाकामा सोमबार पनि १३ जना कोरोना संक्रमित भेटिएका छन् । नाकास्थित हेल्थ डेस्कमा साँझ सवा ४ बजेसम्म ३ सय १० जनाको एन्टिजेन परीक्षण गर्दा १३ जनामा कोरोना संक्रमण पुष्टि भएको डेस्ककी प्रमुख डा. अनिशा महतोले जानकारी दिइन् ।

‘परीक्षण अझै पनि जारी छ,’ उनले भनिन्, ‘साँझ ४ बजे सम्म १३ जनामा संक्रमण पुष्टि भइसक्यो, आइतबार पनि १२ जनामा संक्रमण पुष्टि भएको थियो ।’

सोमबार पुष्टि भएका १३ मध्ये ८ भारतीय र ५ नेपाली छन् । नेपालीमध्ये १ जना दिल्लीबाट फर्किएका बारा सिमराका र १ जना चितवनका हुन् । ३ जना वीरगन्जका हुन् । तीमध्ये १ आफै डेस्कमा परीक्षण गराउन आएका थिए । २ जना भने भारतबाट फर्किएकाहरु थिए ।

भारतीयमध्ये अधिकांश सीमावर्ती भारतीय सहर तथा गाउँका तथा नारायणघाट क्षेत्रमा मजदुरी गर्न जादै गरेकाहरु थिए । संक्रमितहरु अब सीमावर्ती भारतीय सहर र वीरगन्जकै फेला पर्न थालेकाले दुवै सहरमा समुदायमै स्तरमै कोरोना संक्रमण विस्तार भइसकेको हुन सक्न डा. महतोले बताइन् ।

प्रकाशित : पुस २६, २०७८ १७:१४
पूरा पढ्नुहोस्
प्रतिक्रिया
पठाउनुहोस्
x
×