इङ्नाम र तुम्खेवा सम्मानित- साहित्य/विविध - कान्तिपुर समाचार

इङ्नाम र तुम्खेवा सम्मानित

कान्तिपुर संवाददाता

काठमाडौँ — इतिहासकार तथा साहित्यकार भगिराज इङ्नाम र साहित्यकार, अभियन्ता एवम् पत्रकार विमला तुम्खेवा सम्मानित भएका छन् ।

काठमाडौंमा आइतबार आयोजित कार्यक्रममा अनुप लिङ्देन स्मृति प्रतिष्ठानद्वारा २०७८ को सम्मान मदन पुरस्कार विजेता इङनामलाई र पुरस्कार तुम्खेवालाई प्रदान गरिएको हो । तुम्खेवाले प्रमाणपत्र र २१ हजार राशिको पुरस्कार राप्रपा अध्यक्ष राजेन्द्र लिङ्देनले हस्तान्तरण गरे ।

स्वर्गीय अनुप लिङ्देन लिम्बु समाजमा मात्र नभएर समग्र समाज विकासको निम्ति महत्वपूर्ण योगदान पुर्‍याउँदै आएका व्यवसायी र राजनीतिकर्मी थिए । उनको सम्झनामा स्थापित सम्मान तथा पुरस्कारबाट साहित्य, शिक्षा, कला, संस्कृतिलगायत क्षेत्रमा महत्वपूर्ण योगदान पुर्‍याउने व्यक्तित्वलाई प्रदान गरिँदै आएको अनुपका धर्मपत्नी तथा साहित्यकार अप्सरा लावतीले बताइन् ।

प्रकाशित : पुस १८, २०७८ २२:२६
प्रतिक्रिया
पठाउनुहोस्

प्रदेशसभा उपसभामुखहरू माओवादी केन्द्रीय सदस्य !

कान्तिपुर संवाददाता

काठमाडौँ — कर्णाली र वाग्मती प्रदेशका उपसभामुखहरू नेकपा (माओवादी केन्द्र)को केन्द्रीय सदस्यको सूचीमा परेका छन् । माओवादी अध्यक्ष पुष्पकमल दाहालले दुवैको नाम केन्द्रीय सदस्यमा घोषणा गरेका हुन् ।

संसदीय अभ्यासमा सभाका सभामुख र उपसभामुख निर्वाचित भएपछि सम्बन्धित व्यक्तिले दलीय जिम्मेवारीबाट राजीनामा गर्ने गरेका छन् । त्यो अभ्यासविपरीत कर्णाली प्रदेशकी उपसभामुख पुष्पा घर्ती र वाग्मती प्रदेशकी उपसभामुख राधिका तामाङ माओवादी केन्द्रीय सदस्य बनेका हुन् ।

घर्ती र तामाङ जनजाती महिला र जनजाती युवा कोटाबाट केन्द्रीय सदस्य बनेका हुन् । महाधिवेशनको बन्दसत्रमा दुवैको नामा छोटकरीमा वाचन गरिएको थियो ।

पी. घर्ती र आर. तामाङको नाम वाचन गरिएको थियो । दाहालले 'किन यस्तो गरिएको हो ?' भनेर हलमा प्रश्न गरेका थिए ।

उनैले फेरि 'टेक्निकल परेको होला'समेत भनेका थिए ।

प्रकाशित : पुस १८, २०७८ २२:१४
पूरा पढ्नुहोस्
प्रतिक्रिया
पठाउनुहोस्
x
×