फेरि सस्तो आइफोन १

हेलो टेक
हेलो शुक्रबार

सन् २०१६ मा एप्पलले आइफोन एसई नाम दिएर सस्तो आइफोन सार्वजनिक गरेको थियो । आइफोनको बिक्री घटेका बेलामा एप्पलले ल्याएको सस्तो आइफोनले धेरै प्रयोगकर्ताको ध्यान आकर्षित गर्‍यो । रुचाइयो पनि ।

आगामी मार्चमा एप्पलले आइफोन एसई टु नाम दिएर सस्तो आइफोनको अर्को मोडल ल्याउने खबर आएको छ । करिब ४ सय अमेरिकी डलर मूल्य रहने अनुमान गरिएको आइफोनमा ४.७ इन्चको स्क्रिन हुनेछ । यसमा एप्पलकै ए थर्टी प्रोसेसर प्रयोग गरिने समाचारहरूमा उल्लेख छ । यो आइफोन ६४ जीबी र १ सय २८ जीबी मोडलमा उपलब्ध हुनेछ भने ३ जीबीको र्‍याम रहनेछ । यसको डिजाइन र अन्य फिचर आइफोन एटको जस्तो हुने अनुमान छ ।

प्रकाशित : कार्तिक २९, २०७६ १०:४०
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

लाइक संख्या लुकाइँदै

हेलो टेक
हेलो शुक्रबार

सामाजिक सञ्जालमा कसैले गरेको पोस्टमा आएको लाइक र कमेन्टले उक्त व्यक्ति कति लोकप्रिय हो भन्ने अनुमान लगाउन सकिन्छ  । सेलेब्रिटीबीच सामाजिक सञ्जालमा बढी लाइक पाउन होड नै चल्छ  ।

यसले प्रयोगकर्ताको मनोबल गिराउन सक्ने भन्दै इन्स्टाग्रामले निकट भविष्यमै लाइकको संख्या नदेखाउने भएको छ ।
यो फिचरको अहिले जापान, ब्राजिल र क्यानडाका सीमित प्रयोगकर्ताबीच परीक्षण भइरहेको छ । इन्स्टाग्रामले यो परीक्षण अब अमेरिकामा सुरु गर्ने भनेको छ । अमेरिकी प्रयोगकर्ताबीच परीक्षण भएसँगै भविष्यमा विश्वभरका प्रयोगकर्तामा यो फिचर सुरु गर्ने कम्पनीको लक्ष्य छ । पछिल्लो समय बालबालिकासहित युवाहरूमा स्मार्टफोन र सामाजिक सञ्जालको लत लागेको भन्दै प्रविधि कम्पनीको चर्को आलोचना हुने गरेको छ । यसैको प्रभावस्वरूप कम्पनीहरूले प्रयोगकर्ताको मानसिक स्वास्थ्यको ख्याल गर्दै विभिन्न फिचर ल्याउन थालेका छन् ।

प्रकाशित : कार्तिक २९, २०७६ १०:३८
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT