औषधि र स्वास्थ्य प्रदर्शनी हुने
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — नेपाल औषधि उत्पादक संघ(एप्पोन)ले फागुनको तेस्रो साता चितवनमा तीन दिने ‘औषधि र स्वास्थ्य’ प्रदर्शनी गर्ने भएको छ ।
![](https://assets-cdn.ekantipur.com/uploads/source/ads/900x100-1172024092759.gif)
![औषधि र स्वास्थ्य प्रदर्शनी हुने](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2019/miscellaneous/press-meet-2212019020625-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
एपोनले फागुन १७ गते देखि तीन दिने ‘नेपाल फार्मा एण्ड हेल्थ एक्सपो’, गर्न लागेको हो । हरेक दुई वर्षमा राजधानीमा औषधि सम्बन्धि हुँदै आएको प्रदर्शनीको सातौँ श्रृंखला चितवनमा गर्नुको साथै यस पटकदेखि स्वास्थ्यलाई समेत समेटिएको छ ।
प्रदर्शनीमा २ सय स्टल अन्तर्गत विभिन्न ३० वटा बहुराष्ट्रिय कम्पनी, १ सय २० भारतीय र १० वटा चिनियाँ कम्पनीको सहभागी रहनेछ । निजी क्षेत्रका १० वटा अस्पतालहरुले समेत प्रदर्शनीमा भाग लिने छन् । प्रदर्शनीमा ५० हजार भन्दा बढी अवलोकनकर्ता सरिक हुने एप्पोनले जनाएको छ ।
आत्मनिर्भरतातर्फ गइरहेको मुलुकको औषधि उद्योगमा भएको दिगो विकासलाई प्रदर्शनीमा हेर्न सकिने औँल्याउदै एप्पोनका अध्यक्ष दिपक प्रसाद दहालले भने,‘यस पटक हामी औषधि सँगै मुलुकको स्वास्थ्य क्षेत्रलाइ समेत समेटेका छौँ ।’
एप्पोनको अनुसार मुलुकमा हाल वर्षेनी करिब २५ अर्बको औषधि आयात गरिन्छ भने २० अर्ब बराबरको औषधि स्वदेशी उद्योगले निर्माण गर्ने गरेका छन् । हाल मुलुकमा ५३ वटा एलोपेथिक औषधि उद्योग रहेका छन् ।
प्रदर्शनीमा एप्पोनले मरणोपरान्त अंगदानको लागि सामाजिक अभियान समेत गर्ने भएको छ ।
![](https://assets-cdn.ekantipur.com/uploads/source/ads/900-x-100-0172024023126.gif)