दशरथ रंगशालामा ‘दसैं फेस्ट’ आयोजना हुँदै
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
काठमाडौँ — काठमाडौंको त्रिपुरेश्वरस्थित दशरथ रंगशालामा शनिबार ‘दसैं फेस्ट’ आयोजना हुने भएको छ । दसैंको अवधिमा काठमाडौंमा चहलपहल बढाउन ‘दसैं फेस्ट’ आयोजना गरेको आयोजक कमिटीका संयोजक श्री गुरुङले बताए ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![दशरथ रंगशालामा ‘दसैं फेस्ट’ आयोजना हुँदै](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2022/third-party/musicfest-2992022034717-1000x0.gif&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
‘बडादसैं भनेको परिवार साथीभाइलाई एकजुट गराउने पनि हो, तर काठमाडौं यसबेला सुनसान हुन्छ, चहलपहल होस्भ नेर यसको सुरुवात गरेका हौं,’ उनले भने, ‘पारिवारिक, साथीभाइबीच ग्यादरिङ गर्दै एकसाथ म्युजिकल इन्टरटेनमेन्ट, सपिङ र खानाको स्वाद लिन पाउने प्रबन्ध गरेका छौं ।’ युवा पुस्ता लक्षित यस कार्यक्रममा २० हजारको उपस्थिति हुने आयोजकले लक्ष्य राखेको छ ।
‘फेस्ट’मा द एज ब्याण्ड, नीतेशजंग कुंवर, वर्तिका राई, स्वप्न सुमन, भेक, यावेश, दोङ, त्रिशला गुरुङ, सुवानी मोक्तान र इलेमेन्टस् ब्याण्ड लगायत कलाकार तथा व्याण्डहरूको सांगीतिक प्रस्तुती मुख्य आकर्षण रहनेछन् ।
त्रिशरा, अक्टेभ दरबारमार्ग, मोन्स्टर मिल, चिकेन स्टेसन, डल्ले, भेरा पिज्जा, ट्यामरीन्ड ग्रुप, बबल टी, पर्पल हेज, एड्रेस लाउन्ज लगायत काठमाडौंमा चर्चित १५ रेष्टुराँहरूको परिकार स्टल फेस्टमा रहनेछन् । ती रेष्टुराँले नियमित मूल्यमा नेपाली, नेवारी, इन्डियन, कोरियन लगायत खाना पस्कनेछन् ।
यसैगरी २० वटा चर्चित सपिङ सेन्टरहरूको फेन्सी लुगाकपडा तथा अन्य सामानहरूको सपिङ स्टलहरू रहने बताइएको छ । टिकटदर प्रतिव्यक्ति १५ सय, २५ सय र ३५ सय तोकिएको छ । कार्यक्रम शनिबार बिहान ११ बजे सुरु हुने र राति ८ बजे सम्पन्न हुनेछ ।
कम्पनीहरू पार्टी नेपाल, अपट्रेन्डिल मिडिया, केटीएम लाइभ इभेन्ट, अर्वेट्री ग्रुपले दसैं फेस्टको संयुक्त आयोजना गरेका हुन् ।१० वर्षअघि यस्तै कार्यक्रम विदेशी कलाकारले रंगशालामै आयोजना गरेका थिए ।
![](https://assets-cdn.ekantipur.com/uploads/source/ads/900-x-100-1-0282024055738.gif)