शुक्रबार प्रदर्शनमा 'झिंगेदाउ' र 'सम्हालिन्छ कहिले मन'
काठमाडौँ — शुक्रबार दुई नेपाली फिल्म 'झिंगेदाउ' र 'सम्हालिन्छ कहिले मन' प्रदर्शनमा आएका छन् ।
ज्ञानेन्द्र देउजा निर्देशित 'झिंगेदाउ'मा यही शीर्षकमा लेखिएको भीमनिधि तिवारीको कथामा आधारित भएर बनाइएको फिल्म हो । फिल्ममा अभिनेत्री केकी अधिकारी, आँचल शर्मा, अभिनेता मुकुन भुषाल र कुशल विष्टको अभिनय छ ।
त्यस्तै सुदर्शन थापा निर्देशित फिल्म 'सम्हालिन्छ कहिले मन' भने त्रिकोणात्मक प्रेममा आधारित छ । फिल्ममा अभिनेत्री पूजा शर्मा, अभिनेता आकाश श्रेष्ठ र गायनबाट अभिनयमा प्रवेश गरेका सोनम तोप्देनको अभिनय छ ।
क्युएफएक्समा 'प्रकाश' र 'राधा'ले अपेक्षित सो नपाएपछि विवाद भएको थियो । तर, यी दुई फिल्मलाई भने सो वितरणमा खासै विभेद देखिन्न । यी दुई फिल्मसँगै हलमा 'प्रकाश' र 'लाइगर' प्रदर्शनरत छन् ।
प्रकाशित : भाद्र १७, २०७९ ११:०७प्रतिक्रिया