महँगो रकममा भित्रियो 'लालसिंह चड्ढा' - मनोरञ्जन - कान्तिपुर समाचार
कान्तिपुर वेबसाईट
AdvertisementAdvertisement

महँगो रकममा भित्रियो 'लालसिंह चड्ढा' 

कान्तिपुर संवाददाता

काठमाडौँ — आमिर खान अभिनित फिल्म 'लालसिंह चड्ढा'लाई २ करोडमाथिको रकममा किनेर नेपाल प्रदर्शन गर्ने भएको छ । पछिल्लो समय वितरण गरेको 'पुष्पा', 'आरआरआर'भन्दा महँगो रकममा फिल्मलाई नेपाल भित्र्याइएको नेपाल वितरक मनोज राठी बताउँछन् । 

फिल्मलाई ब्यांकटेस इन्टरटेन्टमेन्टले नेपाल वितरण गर्दैछ । यो फिल्मले पछिल्लो सबै फिल्मको रेकर्ड तोड्ने छाँटकाँट देखाएकै कारण महँगो रकममा नेपाल वितरण गर्न लागेको राठीको भनाइ छ ।

'पुष्पा पहिला ब्रान्ड बनिसकेको थिएन । आमिर खानको फिल्मबाट त आसावादी पनि भइन्छ । त्यही आसमा हामीले पनि फिल्म ल्यायौं । अहिलेसम्मका सबै रेकर्ड यो फिल्मले तोड्छ होलाजस्तो लाग्छ । यो फिल्म त परिवार सबैले हेर्न सकिन्छ । यो फिल्मबाट हाम्रो एकदमै अपेक्षा छ,'राठीले भने ।

टम ह्यांक्सको ब्लकबस्टर फिल्म 'फरेस्ट गम्प'को हिन्दी रिमेक भएकै कारण पनि फिल्म दर्शकबीच अपेक्षित बनेको छ ।

प्रकाशित : श्रावण १८, २०७९ १२:४५
प्रतिक्रिया
पठाउनुहोस्

रुखमा ठोक्कियो मोटरसाइकल‚ दुई जनाको मृत्यु

मनोज पौडेल

कपिलवस्तु — वाणगंगा नगरपालिका-२, पिपराको गोवडीहवामा बुधबार बिहान रुखमा मोटरसाइकल ठोक्किँदा दुई जनाको मृत्यु भएको छ । तीव्र गतिमा गुडिरहेको लु ६४ प ५७६३ नम्बरको मोटरसाइकल अनियन्त्रित भई रुखमा ठोक्किँदा मोटरसाइकल चालक २५ वर्षीय रमेश विक र पछाडि बसेका २७ वर्षीय गोपाल विकको ज्यान गएको हो ।

दुवै जना वाणगंगा नगरपालिका-२, कप्टैयाका हुन् । दुर्घटनामा गम्भीर घाइते भएका दुवैलाई लुम्बिनी प्रादेशिक अस्पताल बुटवल लगेपछि अस्पतालले मृत घोषणा गरेको ईलाका प्रहरी कार्यालय पिपराका निरीक्षक दीपकबाबु केसीले बताए ।

प्रकाशित : श्रावण १८, २०७९ १२:३६
पूरा पढ्नुहोस्
प्रतिक्रिया
पठाउनुहोस्
×