नेपाल इन्टरनेसनल फिल्म फेस्टिभल सर्‍यो- मनोरञ्जन - कान्तिपुर समाचार
कान्तिपुर वेबसाईट
AdvertisementAdvertisement

नेपाल इन्टरनेसनल फिल्म फेस्टिभल सर्‍यो

कान्तिपुर संवाददाता

काठमाडौँ — फागुनमा भर्चुअल रुपमा गर्ने भनिएको नेपाल इन्टरनेसनल फिल्म फेस्टिभल (निफ) को चौथो संस्करणको मिति पछाडि धकेलिएको छ । कोरोना महामारीका कारण निफ अब वैशाख २३ गतेदेखि २७ सम्म हुने आयोजक नेपाल चलचित्र तथा सांस्कृतिक प्रतिष्ठानले जनाएको छ ।

आयोजकले पूर्वनिर्धारित मितिमा फेस्टिभल गर्ने गरी विश्वभरका फिल्ममेकरबाट फेस्टिभलमा सहभागिताका लागि आवेदन पनि खुला गरेको थियो । आयोजक संस्थाका अनुसार ५२ देशका ४ सय बढी फिल्मले सहभागिताका लागि आवेदन दिइसकेको छ । छानिएका फिल्मको सूची फागुन ८ सार्वजनिक गरिने बताइएको छ ।

‘महामारीका कारण फिल्ममेकर चाहेर पनि फेस्टिभलमा सहभागी हुन सक्ने अवस्था छैन । भर्चुअल रुपमा गर्ने विकल्प हामीलाई खास प्रभावकारी लागेको छैन,’ निफका अध्यक्ष केपी पाठकले भने, ‘केही समय कुर्दा पुरानै स्वरुपमा फेस्टिभल गर्न सकिन्छ भन्ने अपेक्षासहित केही महिना सारेर फेस्टिभल गर्न लागेका हौं ।’

‘विश्वका कथाहरुको कथ्य उत्सव’ भन्ने नाराका साथ ‘फिल्म संस्कृति’को विकास गर्ने उद्देश्य सहित सुरुभएको फेस्टिभलमा यो वर्ष महामारीको विषयमा बनेका फिल्मको विधा थप गरिएको छ । ‘बेस्ट पान्डेमिक फिल्म’को विधामा विजेता फिल्मले ५ सय अमेरिकी डलर पुरस्कार प्राप्त गर्ने आयोजक संस्थाले जनाएको छ ।

अन्तर्राष्ट्रिय प्रतिस्पर्धाअन्तर्गत सर्वोत्कृष्ट फिचर फिल्मलाई १५ सय अमेरिकी डलरसहित गौतमबुद्ध अवार्ड प्रदान गरिनेछ भने फिल्मले 'इन्टरनेसनल फेडरेसन अफ फिल्म सोसाइटिज'को जुरीको तर्फबाट आईएफएफएस डन किहोते अवार्ड प्राप्त गर्नेछ । अन्तर्राष्ट्रिय विधातर्फ नै सर्वोत्कृष्ट वृत्तचित्रलाई १ हजार डलर राशिको माउन्ट एभरेस्ट अर्वाड, सर्वोत्कृष्ट एनिमेटेड फिल्मलाई ७ सय ५० डलर राशिको मञ्जुश्री अवार्ड, सर्वोत्कृष्ट लघु फिल्मलाई ५ सय डलर राशिको वाग्मती अर्वाड प्रदान गरिनेछ ।

साथै नेपाली प्रतिस्पर्धाअन्तर्गत उत्कृष्ट फिचर फिल्मलाई १ लाख रुपैयाँ नगद, उत्कृष्ट सर्ट फिल्मलाई ५० हजार रुपैयाँ नगद प्रदान गरिनेछ । त्यस्तै लघुफिल्ममध्येबाट उत्कृष्ट फिल्म निर्देशकलाई ट्रफी प्रदान गरिनेछ । यी बाहेक फिचर फिल्म विधातर्फका उत्कृष्ट निर्देशक, लेखक, छायाँकार, अभिनेता र अभिनेत्रीलाई पनि ट्रफी प्रदान गरिनेछ ।

प्रकाशित : पुस ६, २०७७ १३:३९
प्रतिक्रिया
पठाउनुहोस्

दाहाल-नेपाल पक्ष सर्वोच्च अदालत जाने गृहकार्यमा

कान्तिपुर संवाददाता

काठमाडौँ — संसद विघटनको गर्ने सरकारको निर्णयलाई चुनौती दिँदै नेकपाको अध्यक्ष पुष्पकमल दाहाल र वरिष्ठ नेता माधवकुमार नेपाल पक्ष सर्वोच्च अदालत जाने गृहकार्यमा जुटेको छ । यसका लागि दाहाल-नेपाल समूहसहितका शीर्ष नेताले आज कानुन व्यवसायीसँग परामर्श गरेका छन् । 

हिजोमात्रै यो समूहका ९० सांसदले संसद सचिवालयमा प्रधानमन्त्री केपी शर्मा ओलीविरुद्ध अविश्वासको प्रस्ताव दर्ता गराएका थिए । दाहाल नेपाल समूहले सकेसम्म कांग्रेस र जसपाका सांसदहरुको समेत संयुक्त हस्ताक्षर गरेर अदालत जाने विकल्पमा समेत छलफल गरेको छ ।

प्रकाशित : पुस ६, २०७७ १३:३२
पूरा पढ्नुहोस्
प्रतिक्रिया
पठाउनुहोस्
×