'नेपाल मानव अधिकार अन्तर्राष्ट्रिय चलचित्र महोत्सव' भर्चुअली आयोजना हुने- मनोरञ्जन - कान्तिपुर समाचार
कान्तिपुर वेबसाईट
AdvertisementAdvertisement

'नेपाल मानव अधिकार अन्तर्राष्ट्रिय चलचित्र महोत्सव' भर्चुअली आयोजना हुने

कान्तिपुर संवाददाता

काठमाडौँ — 'आठौं नेपाल मानव अधिकार अन्तर्राष्ट्रिय चलचित्र महोत्सव' भर्चुअल रुपमा आयोजना हुने भएको छ । मानव अधिकार चलचित्र केन्द्रले यो वर्ष महोत्सव भर्चुअल रुपमा आयोजना गर्ने जानकारी दिएको हो ।

कोरोना महामारीले विश्वका धेरै चलचित्र महोत्सवलाई असर पार्‍यो । कोभिडले गर्दा नै निर्धारित मितिबाट यो चलचित्र महोत्सव पछाडि धकेलिएको थियो । अनलाइनमार्फत् आयोजना हुने यो महोत्सव आगामी मंसिर १० देखि १५ सम्म आयोजना हुँदैछ ।

महोत्सवमा ५२ वटा स्वदेशी तथा विदेशी फिचर फिल्म, वृत्तचित्र, लघु चलचित्र, एनिमेसनका साथै सबै विधाका चलचित्रहरु प्रसारण गरिने बताइएको छ । प्रसारण हुने चलचित्रहरु महोत्सवमा आवेदन परेकामध्येबाट उत्कृष्ट चलचित्रहरु प्रसारणका लागि छनोट गरिएको हो । यस महोत्सवमा चलचित्रहरु चलचित्र टिभी एपमार्फत् प्रसारण गरिनेछ । जुममार्फत् अन्तक्रिया एवं छलफलका कार्यक्रम गरिने आयोजकले जनाएको छ ।

महोत्सवमा चलचित्र प्रसारणपछि एसियाली चलचित्रमा महिला, नेपाली चलचित्रमा युवा, अल्पसंख्यक, सिमान्तकृत समुदायको सवाललगायतका शिर्षकमाथि चलचित्रकर्मी, मानव अधिकारकर्मी, अनुसन्धानकर्मी, युवाहरुसँग अन्तरक्रिया तथा छलफल हुनेछ ।

प्रकाशित : मंसिर ८, २०७७ १९:१५
प्रतिक्रिया
पठाउनुहोस्

सञ्चारकर्मीमा कोरोना देखिएपछि एक साता एफएम बन्द

आनन्द गौतम

ताप्लेजुङ — रेडियोमा कार्यरत तीनजना सञ्चारकर्मीमा कोरोना संक्रमण देखिएपछि सदरमुकाम फुङलिङबाट सञ्चालित तमोर एफएम एक साताका लागि बन्द गरिएको छ ।

स्टेशन मेनेजर सजन पौडेलले मंसिर १५ गते सम्मका लागि एफएम बन्द गरिएको जानकारी दिए ।

पौडेलका अनुसार एफएमका चार जनाको स्वाब परीक्षण गरिएकोमा तीनजनामा संक्रमण पुष्टि भएको हो । जिल्ला प्रशासन कार्यालयका अनुसार मंसिर ५ गते श्वाब संकलन गरि पठाइएका ४३ जना मध्ये १० जनाको नतिजा पोजिटिभ आएको छ ।

अधिकांश संक्रमित सदरमुकाम फुङलिङका छन् भने एकजनाक पाथिभरा याङवरक गाउँपालिकाका छन् । पहिला संक्रमण भएका मध्ये एक जना बाहेक अरु सबै निको भएको जिल्ला अस्पतालले जनाएको छ ।

प्रकाशित : मंसिर ८, २०७७ १९:१४
पूरा पढ्नुहोस्
प्रतिक्रिया
पठाउनुहोस्
×