राजनीतिमा प्रवेश नगर्ने भन्दै अफवाह फैलाउने चिठ्ठी मेरो होइन : रजनीकान्त- मनोरञ्जन - कान्तिपुर समाचार
कान्तिपुर वेबसाईट
AdvertisementAdvertisement

राजनीतिमा प्रवेश नगर्ने भन्दै अफवाह फैलाउने चिठ्ठी मेरो होइन : रजनीकान्त

एजेन्सी

अभिनेता रजनीकान्तले बिहीबार सामाजिक सञ्जाल ट्विटरमा भाइरल भएको एक चिठ्ठीको खण्डन गर्दै चिठ्ठी आफूले नलेखेको जानकारी दिएका छन् । उक्त चिठ्ठीमा रजनीकान्त आफ्नो वर्तमान स्वास्थ्य स्थितिका कारण राजनीतिमा प्रवेश नगर्ने कुरा उल्लेख गरिएको थियो ।

तामिल भाषामा उनले ट्विटरमा लेखेका छन्, 'लिक्ड भएको पत्र मेरो होइन । त्यसमा उल्लेख मेरो स्वास्थ्य र डाक्टरको सल्लाह भने सहि छन् । राजनीतिमा खडा हुने नहुने भन्नेबारे भने म रजनी मक्कल मंद्रमसँग कुरा गरेर सहि समयमा घोषणा गर्नेछु ।'

ह्वाटसापमा भाइरल भएको पत्रमा भने रजनीकान्त राजनीतिमा प्रवेश नगर्ने र त्यसको अन्तिम निर्णय डिसेम्बरको अन्तिमसम्ममा सुनाइने उल्लेख गरिएको द हिन्दुस्तान टाइम्समा उल्लेख छ । सन् २०१७ मा रजनीकान्तले आफ्नो नयाँ पार्टी खोलेर राजनीतिमा फर्कने पक्का गरेका थिए । पार्टीमा समावेश हुन चाहनेका लागि वेबसाइट नै बनाएका थिए ।

प्रकाशित : कार्तिक १३, २०७७ १७:००
प्रतिक्रिया
पठाउनुहोस्

उपत्यकामा २४ घण्टामा थपिए १ हजार ६१५ कोरोना संक्रमित

कान्तिपुर संवाददाता

काठमाडौँ — पछिल्लो २४ घण्टामा काठमाडौं उपत्यकामा थप १ हजार ६१५ कोरोना संक्रमित देखिएका छन् । स्वास्थ्य तथा जनसंख्या मन्त्रालयको दिएको जानकारी अनुसार संक्रमितमा ७०४ महिला र ९११ पुरुष रहेका छन् । 

काठमाडौंमा १ हजार ३३८, भक्तपुरमा ९७ र ललितपुरमा १८० जना नयाँ संक्रमित थपिएका हुन् ।

पछिल्लो २४ घण्टामा बिहीबार देशभर भने कोरोना संक्रमित २ हजार ३६४ जना थपिएका छन् । हालसम्म नेपालमा १ लाख ६४ हजार ७१८ संक्रमितको संख्या पुगेको छ ।

त्यसैगरी २४ घण्टामा ३ हजार ३८ जना कोरोना संक्रमणबाट निको भएर डिस्चार्ज भएका छन् । यो सँगै निको हुनेको संख्या १ लाख २४ हजार ८६२ पुगेको छ । देशभरी सक्रिय संक्रमितको संख्या हालसम्म ३८ हजार ९५२ छ ।

मन्त्रालयका अनुसार हालसम्म पीसीआर विधिबाट १४ लाख १९ हजार ६४ परीक्षणहरु गरिएका छन् । २४ घण्टामा जम्मा ९ हजार ७६९ पीसीआर परीक्षण भएका छन् । हालसम्म क्वारेन्टाइनमा रहनेको संख्या २ हजार ६८९ जना रहेका छन् ।

प्रकाशित : कार्तिक १३, २०७७ १६:४५
पूरा पढ्नुहोस्
प्रतिक्रिया
पठाउनुहोस्
×