ऋचा चड्डा र अली फैजलको छिट्टै विवाह हुँदै
काठमाडौँ — बलिउड अभिनेत्री ऋचा चड्डा र अभिनेता अली फैजलको प्रेम सार्वजनिक भएको तीन वर्ष भयो । त्यसअगाडि पनि उनीहरु ‘डेट’मा थिए भनिन्छ । तर दुवै फिल्ममा व्यस्त भएकाले विवाह जुरिरहेको थिएन । मिडियामा चाहिँ खुलेर एकअर्काप्रतिको माया व्यक्त गरिरहेका थिए ।
अब भने छिट्टै औपचारिक रुपमा पति–पत्नी हुने भएका छन् । यसको खुलासा ऋचा स्वयःले गरेकी हुन् । ‘हामी दुवै विवाहको लागि आतुर छौं तर समय मिलिरहेको थिएन, अब चाँडै विवाह गर्ने योजनामा छौं,’ ऋचाले भनेकी छन् ।
ऋचा अभिनित फिल्म ‘पंगा’ आजबाट प्रदर्शनमा आएको छ भने अली हलिउड फिल्म ‘डेथ अन द नाइल’को छायाँकनमा व्यस्त छन् । यो जोडीले ‘फुक्रे’ र ‘फुक्रे रिटर्न्स’मा एकसाथ काम गरेका थिए ।
प्रकाशित : माघ १०, २०७६ १३:४८प्रतिक्रिया