'सामाजिक सञ्जालले स्टाडरमको युग मेटाइदियो'

कान्तिपुर संवाददाता

काठमाडौँ — बलिउड अभिनेता अजय देवगन अहिले फिल्म 'तानाजी'को व्यवसायिक सफलतामा रमाइरहेका छन् । ओम राउतद्वारा निर्देशित फिल्मलाई उनी आफैंले निर्माण गरेका हुन् । फिल्ममा उनीसँगै अभिनेत्री काजोल र सैफअली खानको अभिनय छ । सयौं फिल्म भएको कारणले पनि 'तानाजी' अजयको लागि विशेष फिल्म हो ।

ZenTravel

फिल्मलाई बलिउड दर्शकले रुचाएका छन् । लामोसमयपछि पर्दामा यी काजोल र अजयको जोडी दर्शकले हेर्न पाएका छन् । सामाजिक सञ्जालमाअजयलाई अभिनयको तारिफ गर्नेहरु बढेका छन् ।

Meroghar

अजय भने सामाजिक सञ्जाल स्टारको स्टारडममाप्रभाव पारिरहेको तर्क गर्छन् । हालै उनले भारतीय मिडियालाई भने 'सामाजिकसञ्जालले स्टारडमको युग सिध्याइदिएको छ । कलाकार आफैंले पनि आफ्ना विषयमा सामाजिकसञ्जालमा जानकारी लेखेर प्रभाव थप घटेको हो । हामी आफैं सोच्थ्यौं स्टार कसरी जिवनबिताउँछन्, तरअहिले स्टार आफूजस्तै रहेको उनीहरु सोच्छन् ।'

अजयले आफू सामाजिक सञ्जालमा अन्य कलाकार झैंत्यति सक्रिय नरहेको बताउँछन् । अजय अब 'भूज : द प्राइड अफ इन्डिया' मादेखिँदैछन् । फिल्ममा उनीसँगै सोनाक्षी सिन्हा र सञ्जय दत्तको अभिनय रहनेछ ।

प्रकाशित : पुस २९, २०७६ १३:०५
प्रतिक्रिया
पठाउनुहोस्

माघे संक्रान्तिमा सार्वजनिक बिदा दिन माग

कान्तिपुर संवाददाता

काठमाडौँ — नेपाल मगर संघले माघे संक्रान्ति चाडमा सार्वजनिक बिदा दिन माग गरेको छ । माघे संक्रान्तिको अवसरमा सोमबार काठमाडौंमा आयोजना गरेको पत्रकार भेटघाट तथा शुभकामना आदनप्रदानमा मगर संघले सार्वजनिक बिदा दिन माग गरेको हो । 

मगर संघले माघे संक्रान्तिको अवसरमा माघ १ र २ गते काठमाडौंको टुँडिखेलमा ‘माघे सकराती राष्ट्रिय चाड शुभकामना आदानप्रदान तथा मगर मौलिक सांस्कृतिक महोत्सव’ आयोजना गरेको छ । संघले महोत्सवको सम्पूर्ण तयारी पूरा भएको जनाएको छ ।

पत्रकार भेटघाटमा मगर संघका अध्यक्ष नवीन रोकामगरले माघे संक्रान्तिको अवसर दिँदै आएको सार्वजनिक बिदा कटौती गरेर सरकारले जनजातिमाथि अन्याय गरेको बताए । उनले माघे संक्रान्तिको अवसरमा ४ प्रदेशका सरकारले सार्वजनिक बिदा दिएको उल्लेख गर्दै संघीय सरकारले नै बिदा दिनुपर्ने बताए ।

पत्रकार भेटघाटमा जारी वक्तव्यमा ‘माघेसकराती लगायतका सांस्कृतिक चाडपर्वहरुमा नेपाल सरकारले कतौती गरेका सार्वजनिक बिदाहरुलाई समानता र सामाजिक न्यायको सिद्धान्तको आधारमा पुनःस्थापना गराउनका लागि मन्त्रीस्तरीय समितिले ल्याएको सार्वजनिक बिदा सम्बन्धीको प्रस्तावप्रति हार्दिक स्वागत गर्दै यथासक्य मन्त्रिपरिषद्‌बाट निर्णय गरि कार्यन्वयन गर्न माग गर्दछौं’ भनिएको छ ।

संघले ‘माघे सकराती राष्ट्रिय चाड मनाउँदै अघि बढौं । मगरात पहिचान र अधिकार प्राप्तिका लागि लडौं’ भन्ने मूल नारासहित माघ १ र २ गते टुँडिखेलमा मगर मौलिक सांस्कृतिक महोत्सव मनाउँदै छ ।

प्रकाशित : पुस २९, २०७६ १२:२१
पूरा पढ्नुहोस्
प्रतिक्रिया
पठाउनुहोस्
×