प्रवासी नेपाली एकता मञ्च जापानको अध्यक्षमा सिलवाल- प्रवास - कान्तिपुर समाचार
कान्तिपुर वेबसाईट
AdvertisementAdvertisement

प्रवासी नेपाली एकता मञ्च जापानको अध्यक्षमा सिलवाल

कान्तिपुर संवाददाता

काठमाडौँ — प्रवासी नेपाली एकता मञ्च जापानको अध्यक्षमा द्रोण सिलवाल चयन भएका छन् । नेकपा (एकीकृत समाजवादी) निकट रहेको मञ्चको उपाध्यक्षमा मञ्जु गिरी, तिलक दाहाल र हरि लामिछाने रहेका छन् ।

२३ सदस्यीय कार्यसमितिको सचिवमा टक्कर कुँवर, उपसचिव सचिन नेम्वाङ र कोषाध्यक्ष श्रीकृष्ण आचार्य रहेका छन् ।

सदस्यहरूमा माधव आचार्य, एसपी कपिल, भुवन घिमिरे, विष्णु थपलिया, डिल्ली पौडेल, विनोद दाहाल, विश्वास न्यौपाने, नृप कुँवर, शिक्षा सत्याल, रत्ना कुँवर, सुमीत रोकाया, दिनेश खनाल रहेको अध्यक्ष सिलवालले बताए ।

त्यसैगरी, रेयन भट्टराई, कृष्ण धमला, नकुल तिमिल्सिना, प्रल्हाद अधिकारी, जनकराज मण्डेल, तुलराज पाण्डेले सदस्यको जिम्मेवारी पाएका छन् ।

प्रकाशित : आश्विन २, २०७९ २२:०१
प्रतिक्रिया
पठाउनुहोस्

सुदूरपश्चिम राजधानी कप फुटबल असोज ८ देखि 

प्रतियोगितामा ९ औं राष्ट्रिय खेलकुदमा भाग लिने ७ प्रदेशका टोलीको सहभागिता रहने
कान्तिपुर संवाददाता

धनगढी — धनगढीमा असोज ८ गतेदेखि सुदूरपश्चिम राजधानी कप फुटबल प्रतियोगिता सुरु हुने भएको छ । शनिबार धनगढीमा पत्रकार सम्मेलन गरी आयोजक पीएफए स्पोर्ट्स क्लबले प्रतियोगिताबारे जानकारी दिएको हो । 

प्रतियोगितामा नवौं राष्ट्रिय खेलकुदमा भाग लिने ७ प्रदेशका टोली र एक घरेलु टोलीसहित ८ टिमको सहभागिता रहने प्रतियोगिता संयोजक दिनेश श्रेष्ठले जानकारी दिएका हुन् ।

प्रतियोगिताको विजेताले ५ लाख, उपविजेताले ३ लाख प्राप्त गर्नेछन् । विभिन्न विधाका उत्कृष्ट खेलाडीहरूले जनही १० हजार र उत्कृष्ट खेलाडीले २० हजार प्राप्त गर्नेछन् ।

प्रतियोगिताको मुख्य प्रवर्द्धकमा सुदूरपश्चिम खेलकुद परिषद् रहेको छ । यस्तै सहप्रायोजकमा नेपाल टेलिकम र राष्ट्रिय खेलकुद परिषद् नेपाल रहेको छ । ‘हाम्रो गौरव सुदूरपश्चिम राजधानी कप’ मुख्य नारा लिएर प्रतियोगिताको सुरुवात गरेको आयोजकले जनाएको छ । असोज १५ सम्म सञ्चालन हुने प्रतियोगिताको चौथो संस्करण भएको आयोजक समितिले जनाएको छ ।


प्रकाशित : आश्विन २, २०७९ २२:००
पूरा पढ्नुहोस्
प्रतिक्रिया
पठाउनुहोस्
×