नेप्से परिसूचक र कारोबार रकम दुबै घट्यो

यो साताका पाँच कारोबार दिनमध्ये आइतबार, बुधबार र बिहीबार नेप्से घट्यो भने सोमबार र मंगलबार बढ्यो ।

बिहीबार कारोबारमा आएकामध्ये ४७ वटा कम्पनीको सेयर मूल्य बढ्यो, १८८ वटाको घट्यो र बाँकी ११ वटा कम्पनीको सेयर मूल्य स्थिर छ ।

उक्त दिन ५० हजार २ सय ८१ वटा कारोबारबाट ८९ लाख १ हजार १ सय ९५ कित्ता सेयर किनबेच भए । ती किनबेचमा ३ अर्ब ७१ करोड रुपैयाँ बराबरको सेयर कारोबार भएको छ । अघिल्लो दिनको तुलनामा कारोबार रकम पनि घटेको हो । बुधबार ४ अर्ब ५ करोड ८० लाख रुपैयाँ बराबरको सेयर कारोबार भएको थियो ।

योसँगै सेयर बजारको आकार कुल बजार पुँजीकरण ३२ खर्ब ५३ अर्ब रुपैयाँ कायम भएको छ ।