सुरु भयो नाडा ईभी एक्स्पो
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
काठमाडौँ — असोज ९ गतेसम्म चल्ने एक्स्पोमा ४० हजार बढीको उपस्थिती हुने आयोजकको भनाइ छ । उक्त अवधिभर एक्स्पोमै गाडी किन्न र बुक गर्न पाइनेछ । विभिन्न कम्पनीले चाडबाडलाई मध्यनजर गर्दै गाडी, मोटरसाइकल किन्दा नगद छुट अफर राखेका छन् ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![सुरु भयो नाडा ईभी एक्स्पो](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2022/money-finance/nadaautoshowatbhrikutimandap-10-2292022121711-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
भृकुटी मण्डपमा ‘नाडा ईभी एक्स्पो २०२२’ सुरु भएको छ । नाडा अटोमोबाइल्स एसोसिएसन अफ नेपालले दसैंलाई मध्यनजर गर्दै एक्स्पो आयोजना गरेको हो । एक्स्पो समितिका सभापति अनुप बरालका अनुसार एक्स्पोमा ५१ वटा स्टल राखिएको छ । जसअनुसार चारपाँग्रे विद्युतीय सवारी साधनको ७, दुईपांग्रेको १६, टायरको ३, ब्याट्रिको २, अटोपार्टस् ५, ग्यारेज उपकरण र वित्तीय निकायसहित २४ वटा स्टल राखिएको छ ।एस्क्पोको पहिलो दिन विद्युतीय सवारी साधन हेर्न आउने सर्वसाधरणको राम्रै भिड लागेको थियो ।
गाडी किन्दा वित्तीय सुविधा पनि एक्स्पोमै उपलब्ध रहेको नाडाले जनाएको छ । त्यस्तै, सडक सुरक्षाका बारे जानकारी दिन एक्स्पोमा ट्राफिक प्रहरीको छुट्टै स्टल राखिएको छ । ईभीसम्बन्धी ज्ञान आदन-प्रदान गर्न 'नाडा ईभी चौतारी' सेमिनार सञ्चालन हुने आयोजकले जानकारी दिएका छन् । त्यसमा इलेक्ट्रिक गाडीहरूका सम्बन्धमा विद्यमान नीति नियमबारे चर्चा गरिने भनिएको छ ।
प्रत्येक वर्ष दसैंको मुखमा नाडा अटो शो हुँदै आएको थियो । दुई वर्षदेखि कोभिडका कारण अटो शो हुन नसकेको नाडाले जनाएको छ । यो वर्ष भदौ पहिलो हप्ताबाट अटो शो गर्ने तयारी थियो । तर सरकारले कार, जीप र भ्यानको आयातमा लगाएको प्रतिबन्ध लम्ब्याएपछि नाडाले अटो एक्स्पोको साटो ईभी एक्स्पो गर्न लागेको हो । बैशाखबाट सरकारले पेट्रोलियम पदार्थबाट चल्ने कार,जीप र भ्यानको आयात बन्द गरेको छ ।
![](https://assets-cdn.ekantipur.com/uploads/source/ads/900-x-100-1-0282024055738.gif)