एनसेलले वाइफाई, टक टाइम र डेटा बन्डलसहितको वायर फ्री प्लस सेवा सुरु गरेको छ । कम्पनीले यो सेवा आफ्नो अम्ब्रेला थिम ‘प्लस’ अन्तर्गत मंगलबारदेखि सुरु गरेको हो ।
बन्डलिङ सेवाअन्तर्गत ग्राहकले २ वटा फोरजी सिम कार्ड पाउने, प्लानका आधारमा प्रत्येक सिममा ५ जीबीदेखि १० जीबी डेटा र डिजिटल कन्टेन्टहरू पाउनेछन् ।
वार्षिक प्लानअन्तर्गत गोल्ड, प्लाटिनम र डायमन्ड समूहको कुनै पनि प्लान लिन सक्छन् । ग्राहकले वार्षिक प्लानअन्तर्गत मासिक करसहित गोल्ड ६ सय ९० रुपैयाँमा र करबाहेक प्लाटिनमको ८ सय ६० रुपैयाँ तथा डायमन्डको ९ सय ५० रुपैयाँमा प्लान खरिद गर्न सक्छन् ।
वायर फ्री प्लस सेवा लिन ग्राहकले एनसेल सेन्टरमा सम्पर्क गर्नुपर्नेछ । साथै कम्पनीको वेबसाइटमा रहेको प्रभु पे, खल्ती र प्रभु कियोस्क र प्रभु रेमिटको काउन्टरबाट पनि बुकिङ गर्न सक्छन् ।
प्रकाशित : श्रावण २३, २०७७ १६:५०