६ प्रतिशतभन्दा माथिको आर्थिक वृद्धिको बहस हुनु सकारात्मक : अर्थमन्त्री

कान्तिपुर संवाददाता

काठमाडौँ — अर्थमन्त्री डा.युवराज खतिवडाले पछिल्लो समय ६ प्रतिशतभन्दा माथिको आर्थिक वृद्धिको बहस हुनु सकारात्मक भएको बताएका छन् । ललितपुरको हरिहरभवनस्थित सार्वजनिक वित्त व्यवस्थापन तालिम केन्द्रको नयाँ भवनको उद्‌घाटन कार्यक्रमलाई सम्बोधन गर्दै अर्थमन्त्री खतिवडाले सरकारले ८ प्रतिशत आर्थिक वृद्धिको लक्ष्य लिएको र बजारमा ६ प्रतिशतभन्दा माथिको बहस हुने गरेको बताएका हुन् । 

उनले राज्यसत्तामा रहँदा ३/४ प्रतिशत आर्थिक वृद्धि गर्नेहरु अहिले ८ प्रतिशत आर्थिक वृद्धि नहुने भन्दै आलोचना गर्न अगाडि सरेको बताए। उनले ३/४ प्रतिशत आर्थिक वृद्धि गर्नर्हेरु अहिले ६/७ प्रतिशतको वृद्धिदर हुने र सरकारले लक्ष्य पूरा नहुने भन्दै आलोचना गर्न अग्रसर हुने गरेको बताए। मन्त्री खतिवडाले भने, ‘कसैकसैले आर्थिक वृद्धि ८ प्रतिशत हुादैन भनेर ठूलो बहस चलाइरहनु भएको छ भन्दाखेरी ६/७ को कुरा गर्नुहुन्छ बहसको स्तर नै अब ५ प्रतिशतभन्दा माथि पुगेको छ। ३/४ प्रतिशतको कुरै गर्न छाड्नुभयो।’


तालिम केन्द्रले अर्थतन्त्रको वास्तविक अवस्थाको विषयमा पनि विज्ञहरुसाग छलफल चलाउनुपर्नेमा अर्थमन्त्री खतिवडाले जोड दिए। उनले दुई वर्षमा औसतभन्दा माथि उपलब्धि हासिल गर्न सकेको बताए।


कार्यक्रमा अर्थ सचिव शिशिरकुमार ढुङ्गानाले सार्वजनिक वित्त व्यवस्थापन तालिम केन्द्रले दिने तालिमको मोडलमा परिवर्तन गर्नुपर्ने बताए। उनले वित्तीय सघियताको पाटोमा अलिकति सुधार गर्नुपर्ने र त्यसका लागि तालिम केन्द्रको अभ्यास अगाडि बढाउनुपर्ने तालिम केन्द्रलाई अनुसन्धानउन्मुख बनाउनुपर्ने बताए।


तालिम केन्द्रले नयाा भवनको निर्माण २९ करोड ३३ लाख ७ हजार रुपैयाँमा सम्पन्न गर्ने लक्ष्य राखेको भए पनि २२ करोड ५२ लाख ३० हजार रुपैयाँमा निर्माण सम्पन्न भएको जनाएको छ। प्रकाशित : फाल्गुन ५, २०७६ १३:५८

ADVERTISEMENT
प्रतिक्रिया
पठाउनुहोस्

इंग्ल्यान्ड क्रिकेट टिमलाई आईसीसीको कारबाही

एजेन्सी

काठमाडौँ — अन्तर्राष्ट्रिय क्रिकेट काउन्सिल (आईसीसी )ले इंग्ल्यान्ड क्रिकेट टिमलाई कारबाही गरेको छ । आइतबार भएको तेस्रो ट्वान्टी–२० मा दक्षिण अफ्रिका विरुद्ध ढिलो बल फ्याँकेको (स्लो ओभर रेट बलिङ) मा आईसीसीले इंग्ल्यान्डलाई कारबाही गरेको हो ।

आईसीसीले इंग्लिस टिमलाई खेल शुल्कको २० प्रतिशत जरिवाना तिराउने भएको छ।आईसीसीको आचरसंहिता २.२२ का अनुसार इंग्लिस टोलीलाई कारबाही गरिएको हो। इंग्ल्यान्डका कप्तान ओयन मोर्गनले पनि आफूहरुले गल्ती गरेको स्वीकार गरेका छन्।

मैदानमा रहेका अम्पायरहरु एड्रियन होल्डस्टक, अल्लाउद्दीन पालेकर, बोनगानी जेले र म्याच अफिसर ब्राड ह्वाइटले कारबाहीका लागि आईसीसीसमक्ष सिफारिस गरेका थिए।


प्रकाशित : फाल्गुन ५, २०७६ १३:३८
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
×