बरौनीबाट इन्धन ढुवानी बन्द

यसअघि वीरगन्जबाट करिब १२५ किमि दूरीमा रहेको बरौनीबाट दैनिक १ सयभन्दा बढी ट्यांकरले २ हजारदेखि ३ हजार किलोलिटरसम्म इन्धन ढुवानी गरी अमलेखगन्ज ल्याउने गरेका थिए । बरौनीबाट डिजेलको ढुवानी बन्द भएपछि वीरगन्ज–अमलेखगन्ज सडकमा ट्यांकरको चाप केही कम भएको र इन्धनको ढुवानी खर्च पनि जोगिएको छ । बेलाबेलामा नेपाली ट्यांकर चालक बरौनी–रक्सौल रुटमा लुटिने, कुटपिटमा पर्ने, अवैध असुलीको सिकार हुने जस्ता घटना हुँदै आएका थिए ।

यसै वर्षको जुलाईको तेस्रो साताबाट मोतीहारी–अमलेखगन्ज पाइप लाइन परियोजना सञ्चालनमा आएको हो । यादवका अनुसार हाल पाइप लाइनबाट डिजेल मात्र आयात भइरहेको छ । पाइप लाइनबाट भारतबाट १ घण्टामा १ लाख ९० हजार लिटर डिजेल अमलेखगन्ज डिपोमा आइपुग्छ । लगातार ५ दिन पाइप लाइनबाट इन्धन भित्रिएपछि २/३ दिन डिजेल आउँदैन । त्यसपछि फेरि डिजेल आउन थाल्छ । करिब २ हजार केवल डिजेल पाइप लाइनमै बसिरहने गरेको छ । यसो गर्दा पाइपमा हावा भरिँदैन । हाल भारतको पटनामा रहेको आईओसीको पम्पबाट पाइप लाइनमार्फत नेपालतर्फ डिजेल आउने गरेको यादवले जानकारी दिए ।