धुलाबारीमा अन्तर्राष्ट्रिय वाणिज्य मेला

कान्तिपुर संवाददाता

(काँकडभिट्टा) — झापाको व्यापारिक केन्द्र धुलाबारीमा अन्तर्राष्ट्रिय वाणिज्य महोत्सव हुने भएको छ । पुस ९ देखि १६ सम्म महोत्सव आयोजना गरिने मेची उद्योग वाणिज्य संघ धुलाबारीले बुधबार पत्रकार सम्मेलनमा गरी जनाएको छ ।

महोत्सवमा भारत, बंगलादेश, भुटान र चीनका व्यापारिक स्टलहरू राखिने छन् । छिमेकी राष्ट्रका लगानीकर्ता, उत्पादक, वितरक, निर्यातकर्ताहरूलाई एउटै मञ्चमा भेला गराई सामग्रीहरूको प्रत्यक्ष अवलोकन तथा जानकारी उपलब्ध गराउने उद्देश्यले महोत्सव आयोजना गर्न लागिएको अध्यक्ष ऋषिराज तिम्सिनाले जनाए । उनका अनुसार नेपाली उत्पादक, व्यवसायी र अन्य मुलुकका व्यवसायीहरूबीच बिजनेस टु बिजनेस वार्ता गराइने जनाए ।

यसले नेपाली उत्पादनको वैदेशिक प्रवर्द्धनमा टेवा पुग्ने आशा आयोजकको छ । वाणिज्य संघले यसअघि २०६० र ७० सालमा पूर्वाञ्चलस्तरीय औद्योगिक तथा व्यापार मेला आयोजना गरेको थियो । त्यसबेला पनि बंगलादेश, भारत, चीन र पाकिस्तानका व्यवसायीहरू सहभागी थिए । ‘यस पटक पनि ती देशका व्यवसायी सहभागी बन्ने कुरामा हामी ढुक्क छौं,’ महासचिव ध्रुव कनालले भने ।

महोत्सवमा विदेशका वस्तुहरू र पहाडी जिल्लाका कृषिजन्य र अन्य उत्पादनका करिब २ सय स्टलहरू राखिने महोत्सव आयोजक समितिका अध्यक्ष भूमि पौडेलले जानकारी दिए । उनका अनुसार करिब एक लाख जनाले महोत्सव अवलोकन गर्ने र ५ करोडभन्दा बढीको कारोबार हुने अनुमान गरिएको छ ।

प्रकाशित : कार्तिक २८, २०७६ ०८:४५
प्रतिक्रिया
पठाउनुहोस्
ADVERTISEMENT

‘व्यापार घाटा कम गर्न समन्वय’

कान्तिपुर संवाददाता

काठमाडौँ — अर्थमन्त्री युवराज खतिवडाले व्यापार घाटा न्यूनीकरण सरकारको प्राथमिकतामा रहेको बताएका छन् । मंगलबार उद्योग परिसंघका प्रतिनिधिसँग छलफल गर्दै अर्थमन्त्री खतिवडाले घाटा कम गर्न निर्यात प्रवर्द्धनमा जोड दिने बताए । 

‘व्यापार घाटा कम गर्न नीतिगत सुधारका लागि अन्तरमन्त्रालय समन्वयको काम भइरहेको छ,’ उनले भने, ‘निजी क्षेत्रलाई प्राथमिकतामा राखी समस्याहरूको सम्बोधन हुन्छ ।’ परिसंघले निर्यात व्यापारमा देखिएको सुधारलाई कायम राख्दै थप सुधारका पहल गर्न अर्थमन्त्रीलाई ध्यानाकर्षण गराएका थिए । छलफलमा परिसंघका अध्यक्ष सतीशकुमार मोरले आयात प्रतिस्थापनमा भइरहेका सुधारका लागि निर्यातको क्रममा थप प्रोत्साहन आवश्यक रहेको बताए ।



प्रकाशित : कार्तिक २८, २०७६ ०८:४४
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
×