सुनको भाउमा दिनहुँ नयाँ रेकर्ड, प्रतितोला ७० हजार नजिक

राजु चौधरी

काठमाडौँ — नेपाली बजारमा सुनको भाउ प्रतितोला ७० हजार नजिक पुगेको छ । सुनचाँदी व्यवसायी महासंघका अनुसार अन्तर्राष्ट्रिय बजारमा प्रतिऔस २७ अमेरिकी डलर बढेर यहाँ भाउ ७० हजार रुपैयाँ नजिक पुगेको हो ।

‘मंगलबार प्रतितोला ६८ हजार रुपैयाँ थियो। बुधबार एकदिनै १५ सय रुपैयाँ बढेर ६९ हजार ५ सय रुपैयाँ पुगेको छ,’ महासंघका पूर्वअध्यक्ष तेजरत्न शाक्यले भने, ‘यो मूल्य अर्को रेकर्ड हो।’ शाक्यका अनुसार मंगलबार अन्तर्राष्ट्रिय बजारमा प्रतिऔस १४ सय ५९ अमेरिकी डलरमा कारोबार भएको थियो। बुधबार बढेर प्रतिऔस १४ सय ८६ अमेरिकी डलर पुगेको छ।

व्यवसायीका अनुसार न्युर्योक बजारले २०१९ को अन्तसम्म प्रतिऔस १५ सय डलर पुग्ने प्रक्षेपण गरेको थियो। यही क्रममा बृद्धि भए एक/दुई दिनमै उक्त मूल्य भेट्ने उनीहरुको भनाइ छ। ‘मूल्यमा दैनिक नयाँ रेकर्ड कायम भएपछि सुन बिक्री छैन, व्यवसायीले किन्न पनि सकेका छैनौं,’ शाक्यले भने, ‘पूँजीले भ्याउने अवस्था पनि भएन। अब व्यवसायी बन्द गर्ने अवस्थामा पुगेका छौं। पूँजी सकिएपछि खरिद गर्न सकिँदैन।’
प्रतिक्रिया
पठाउनुहोस्

कांग्रेसको नेतृत्व परिवर्तन आवश्यक छ : महामन्त्री कोइराला 

प्रताप रानामगर

दमौली — नेपाली कांग्रेसका महामन्त्री शशांक कोइरालाले पार्टी नेतृत्व परिर्वन गर्न आवश्यक रहेको बताएका छन । कांग्रेस तनहुँद्वारा दमौलीमा बुधबार आयोजित कार्यकर्ता भेटघाट कार्यक्रमलाई सम्बोधन गर्दै नेता कोइरालाले कांग्रेसलाई बलियो बनाउन अहिलेको नेतृत्व परिवर्तन गर्न आवश्यक रहेको औँल्याए ।

‘कांग्रेस नेतृत्व परिर्वतन आवश्यक छ,’ उनले भने,‘अब पनि नेतृत्व परिवर्तन गरिएन भने कांग्रेस बलियो हुँदैन । मैले पार्टी सभापति शेरबहादुर देउवाको विरोध गरेको होइन । नेतृत्व तयार हुनुपर्छ भन्नेमा म आफैँ पनि छु । ’

उनले योग्य र क्षमतावानलाई नेतृत्वमा पुर्‍याउन कार्यकर्ताहरुलाई आग्रह गरे ।

पार्टी महाधिवेशनमा गुटउपगुट गरेपनि अरु समयमा गुटको अन्त्य गर्न जुरुरी रहेको महामन्त्री कोइरालाको भनाई थियो । उनले पार्टी एक भए नेपाली कांग्रेसलाई कुनैपनि शक्तिले हराउन नसक्ने ठोकुवा गरे ।

‘कांग्रेस हराउने कांग्रेस नै हो । त्यसैले पार्टीलाई एक ढिक्का बनाएर लैजाने नेतृत्वको खाँचो छ ।’ शशांकले भने ।

प्रकाशित : श्रावण २२, २०७६ १६:५६
पूरा पढ्नुहोस्
प्रतिक्रिया
पठाउनुहोस्