इन्डोनेसियामा भूकम्प जाँदा ५० को मृत्यु, ७ सय घाइते- विश्व - कान्तिपुर समाचार

इन्डोनेसियामा भूकम्प जाँदा ५० को मृत्यु, ७ सय घाइते

एजेन्सी

काठमाडौँ — इन्डोनेसियाको जाभा टापुमा ५ दशमलब ६ म्याग्निच्युडको भूकम्प जाँदा कम्तीमा ५० जनाको मृत्यु भएको छ । अरु सयौं घाइते भएको बताइएको छ । भूकम्पको धक्काले थुप्रै भौतिक संरचना भत्किएका छन् ।

अस्पतालसहित इस्लामिक स्कुल र अन्य सरकारी भवन पनि भूकम्पको क्रममा भत्किएका छन् । रोयटर्सका अनुसार कम्तीमा ३ सय भवन भत्किएका छन् ।

पश्चिम जाभा प्रान्तको सियान्जुर क्षेत्रलाई केन्द्रबिन्दु बनाएर सोमबार गएको उक्त भूकम्प १० किलोमिटरको गहिराइमा गएको हो ।

स्थानीय मिडियाका अनुसार कतिपय भौतिक संरचना भत्किँदा मानिसहरू पुरिएर थुनिएका छन् । साथै ७ सय मानिस घाइते भएको बताइएको छ ।

प्रकाशित : मंसिर ५, २०७९ १७:३७
प्रतिक्रिया
पठाउनुहोस्

पाल्पा–२ मा मतगणना सुरु

माधव अर्याल

पाल्पा — पाल्पाको निर्वाचन क्षेत्र नम्बर २ मा मतगणना सुरू भएको छ । सदरमुकाम तानसेनस्थित बालमन्दिर भवनमा मतगणना सुरु भएको हो ।

सर्वदलीय सर्वपक्षीय बैठकले ३ बजे सुरु गर्ने भनिएपनि प्रतिनिधि कार्ड लगायत अन्य तयारी हुन नसक्दा ढिलाइ भएको हो ।

क्षेत्र नम्बर २ को बगनासकाली गाउँपालिका–१ चिर्तुङधाराको राम आधारभूत विद्यालय र ग्राम्य मावि मतदान केन्द्रका मतपेटिकाबाट गणना सुरु भएको मुख्य निर्वाचन अधिकृत कमलराज बिष्टले बताए । यस क्षेत्रबाट प्रतिनिधिसभामा सत्ता गठबन्धनबाट नेकपा एकीकृत समाजवादीका सोमप्रसाद पाण्डेय, नेकपा एमालेबाट ठाकुर गैरे, जनसमाजवादी पार्टी नेपालका देव बहादुर हिस्की, राष्ट्रिय स्वतन्त्र पार्टीका सोमप्रसाद गैरे, राष्ट्रिय जनमुक्ति पार्टीका हुमबहादुर थापा मगर, नेपाल मजदुर किसान पार्टीका शिव सुन्दर भुख्वा, मंगोल नेशनल अर्गनाइजेशनका मनबहादुर दर्लामी, नेपाल आमा पार्टीका तारा बहादुर खत्री, जनता समाजवादी पार्टीबाट दुर्पता सोमैले मनोनयन दर्ता गराएका छन् । क्षेत्र २ बाट उपेन्द्र राज गहिरे, केशरबहादुर आले र जीवलाल सुवेदीले स्वतन्त्रमा उम्मेदवारी छ ।

प्रदेशसभामा २ (१) नेपाली कांग्रेसबाट वीरबहादुर राना, नेकपा एमालेबाट परशुराम भटराई, राष्ट्रिय प्रजातन्त्र पार्टीबाट राजु गैरे, मंगोल नेशनल अर्गनाइजेशनका लक्ष्मण गाहा, राष्ट्रिय जनमुक्ति पार्टीका टेकबहादुर राना मगर, जनता समाजवादीबाट खिकबहादुर रेश्मी मगर, नेपाल मजदुर किसान पार्टीका माधव अधिकारीले उम्मेदवार छन् ।

प्रदेशसभा २ (२) मा नेकपा माओवादी केन्द्रबाट तुलाराम घर्ति मगर, नेकपा एमालेबाट ओमबहादुर घर्ति, राष्ट्रिय प्रजातन्त्र पार्टीबाट चक्रपाणी पौडेल, मंगोल नेशनल अर्गनाइजेशनका शिव बहादुर गाहा, राष्ट्रिय जनमुक्ति पार्टीका इन्द्र बहादुर अस्लामीले उम्मेदवार छन् ।


प्रकाशित : मंसिर ५, २०७९ १७:१६
पूरा पढ्नुहोस्
प्रतिक्रिया
पठाउनुहोस्
×