तान्जानियामा विमान दुर्घटना
काठमाडौँ — अफ्रिकी राष्ट्र तान्जानियामा यात्रुवाहक विमान दुर्घटना भएको छ । दार-एस-सलामबाट उत्तरी क्षेत्र बुकोबाका लागि उडेको विमान स्थानीय समयअनुसार आइतबार बिहान भिक्टोरिया लेकमा दुर्घटनाग्रस्त भएको हो ।
दुर्घटनाग्रस्त विमान प्रेसिएस एयर भएको बताइएको छ । अवतरणको समयमा विमान दुर्घटनामा परेको अन्तर्राष्ट्रिय समाचार संस्थाहरूले जनाएका छन् ।
खराब मौसमका कारण विमान दुर्घटना भएको र उक्त दुर्घटनाबाट भएको क्षतिको यकिन विवरण अझैसम्म नआएको बताइएको छ । उद्धारकार्य जारी रहेको स्थानीय सञ्चार माध्यमले जनाएका छन् ।
विमानमा ३९ जना सवार थिए ।
प्रकाशित : कार्तिक २०, २०७९ १३:३२प्रतिक्रिया
