आईएसआईएसका सिरिया प्रमुख अमेरिकी आक्रमणमा मारिए

फ्रेन्च समाचार एजेन्सी एएफपीका अनुसार सिरियाको जिन्दायरिस नजिकै मोटरसाइकलमा कुदिरहेका बेला उनी मारिएका हुन् । यस क्रममा उनका एक शीर्ष सहयोगी गम्भीर घाइते भएको बताइएको छ । अन्तर्राष्ट्रिय सञ्चारमाध्यमका अनुसार अगल आईएसआईएसका प्रमुख पाँच नेताहरूमा पर्ने नेता हुन् ।

सिरियाली नागरिक सुरक्षा बलले पनि एलेप्पो बाहिर मोटरसाइकललाई लक्षित गरी भएको आक्रमणमा एक व्यक्तिको मृत्यु भएको र अर्का घाइते भएको जनाएको छ । तर मारिने व्यक्ति र घाइतेको पहिचान गरेको छैन ।

सिरियाको एटमे सहरमा रातको समयमा अमेरिकी आक्रमणबाट इस्लामिक स्टेटका नेता अबु इब्राहिम अल-कुरैशीको मृत्यु भएको पाँच महिनापछि उक्त हमला भएको हो। अमेरिकी अधिकारीहरूले कुरैशी भाग्न खोज्दा उनको मृत्यु भएको जनाएका थिए ।