पाकिस्तानमा बस खाल्डोमा खस्दा १९ जनाको मृत्यु, १२ घाइते- विश्व - कान्तिपुर समाचार
कान्तिपुर वेबसाईट
AdvertisementAdvertisement

पाकिस्तानमा बस खाल्डोमा खस्दा १९ जनाको मृत्यु, १२ घाइते

कान्तिपुर संवाददाता

काठमाडौँ — पाकिस्तानको दक्षिण पश्चिम बलुचिस्तान प्रान्तको शेरानी जिल्लामा आइतबार बस खाल्डोमा खस्दा कम्तीमा १९ यात्रुको मृत्यु हुनाको साथै अन्य १२ जना घाइते भएको स्थानीय सञ्चारमाध्यमले जनाएका छन् । घटना उत्तरपश्चिमी खैबर पख्तुनख्वा प्रान्तको सिमानामा रहेको जिल्लाको दानासार क्षेत्र नजिकै भएको हो ।

तीव्र गति र वर्षाका कारण चालकले नियन्त्रण गुमाउँदा दुर्घटना भएको हो ।

दुर्घटनाका घाइतेहरूलाई स्थानीय अस्पतालमा सारिएको छ । केही घाइतेको अवस्था गम्भीर भएकाले थप मृत्यु हुने सम्भावना रहेको पनि प्रहरीले जनाएको छ ।

देशको राजधानी इस्लामाबादबाट बलुचिस्तानको प्रान्तीय राजधानी क्वेटा जाँदै गरेको बसमा ३० भन्दा बढी यात्रु सवार थिए ।

प्रकाशित : असार १९, २०७९ १७:१५
प्रतिक्रिया
पठाउनुहोस्

फोनपेको ‘पैसा पठाऔं, ठाउँको ठाउँ’ अभियान 

कान्तिपुर संवाददाता

काठमाडौँ — फोनपे पेमेन्ट सर्भिसले डिजिटल बैंकिङको बारेमा जनचेतना बढाउन र वित्तीय कारोबारलाई प्रोत्साहन गर्ने उद्देश्यले ‘फोनपे डाइरेक्ट मार्फत पैसा पठाऔं, ठाउँको ठाउँ’  अभियान सुरु गरेको छ । फोनपेमार्फत रकम प्राप्त गर्ने व्यक्तिको मोबाइल नम्बर राखेर तुरुन्तै, अन्तर–बैंक कारोबार मार्फत् पठाउन सकिन्छ । 

नेपाल राष्ट्र बैंकबाट अनुमतिप्राप्त पेमेन्ट सिस्टम अपरेटर तथा डाइभर्सिफाइड डिजिटल फाइनान्सियल सर्भिस (डीएफएस) होल्डिङ्ग कम्पनी फोनपेले निरन्तर रूपमा डिजिटलाइजेसनको पहुँचलाई सहज बनाउने किसिमका सेवा सञ्चालन गर्दै आएको छ । फोनपेको मोबाइल बैंकिङ्ग एप मार्फत् सहज एवम् सुरक्षित रुपमा भुक्तानी तथा रकम प्राप्त गर्न सकिन्छ । पैसा पठाउनको लागि पैसा पठाउने व्यक्तिले आफ्नो मोबाइल बैंकिङ्ग एप लगइन गर्नु पर्दछ । लगइन गरेपछि 'सेन्ड मनी' अप्सनमा गई फोनपे डाइरेक्टलाई छनोट गरी पठाउन चाहेको रकम, प्राप्त गर्ने व्यक्तिको खाता भएको बैंकको नाम तथा खातामा लिंक भएको मोबाइल नम्बर राखेर पठाउन सकिन्छ ।

यो ‘पैसा पठाऔं, ठाउँको ठाउँ’ अभियानले यसको बृहत् फिनटेक नेटवर्क मार्फत रकम स्थानान्तरणलाई सहज एवम् सुव्यवस्थित गर्न सक्ने कम्पनीको भनाइ छ । यसका अतिरिक्त, मोबाइल बैंकिङ एप्सबाट रकम स्थानान्तरण गर्दा समेत कहिलेकाहीं बैंकको खाता सही नभएको, बैंक शाखा विवरणहरू उपलब्ध नभएको, खातावालाको नामजस्ता कुराहरु नमिल्दा रकम पठाउन सकिँदैन । फोनपे नेटवर्कमा आबद्ध कुनै पनि बैंक तथा वित्तीय संस्था, विभिन्न भुक्तानी सेवा प्रदायकका मोबाइल एप्सबाट सहजै क्यूआर मार्फत भुक्तानी गर्न सकिन्छ । साथै फोनेमार्फत अन्तरबैंक फण्ड ट्रान्सफर, हब पेमेन्ट लगायतका कारोबार गर्न सकिन्छ । फोनपे नेटवर्कमा ६० वटा बैंक तथा वित्तीय संस्था र भुक्तानी सेवा सेवा प्रदायक आबद्ध छन् ।


प्रकाशित : असार १९, २०७९ १७:१५
पूरा पढ्नुहोस्
प्रतिक्रिया
पठाउनुहोस्
×