एक हजार बढी अफगान शरणार्थी छिमेकी देशबाट स्वदेश फर्किए

अफगान अधिकारीहरूका अनुसार ८ सय ५४ अफगानीहरू पश्चिमी निमरोज प्रान्तको सीमा नाका हुँदै इरानबाट फर्किएका छन् ।

यस्तै २ सय ४० जना परिचयपत्र लगायत कागजातविहीन शरणार्थीहरू पाकिस्तानबाट दक्षिणी कान्दाहार प्रान्तमा आइपुगेको बताइएको छ ।

आप्रवासीहरूसँग उनीहरू बसेको देशले जारी गरेको कुनै कागजात भने नभेटिएको बताइएको छ। अफगानिस्तानको शरणार्थी तथा स्वदेश फिर्ता मन्त्रालयको आधिकारिक तथ्यांक अनुसार सन् २०२१ को अगस्टयता छिमेकी देशहरूबाट ६ लाख ५३ हजारभन्दा बढी अफगान शरणार्थीहरू स्वदेश फर्किएका वा निर्वासित भएका छन्।