फिलिपिन्समा नयाँ राष्ट्रपति चयनका लागि मतदान- विश्व - कान्तिपुर समाचार
कान्तिपुर वेबसाईट
AdvertisementAdvertisement

फिलिपिन्समा नयाँ राष्ट्रपति चयनका लागि मतदान

रासस/सिन्ह्वा

काठमाडौँ — फिलिपिन्समा नयाँ राष्ट्रपति चयनका लागि सोमबार मतदान भइरहेको छ । यस निर्वाचनबाट नयाँ राष्ट्रपतिसँगै झण्डै १८ हजार जना चयन हुनेछन् ।

एक उपराष्ट्रपति, १२ जना सिनेटर, ३ सयभन्दा बढी संसद्‍का प्रतिनिधिहरु र १७ सयभन्दा बढी अन्य स्थानीय प्रतिनिधिहरु यस निर्वाचनबाट चयन हुने बताइएको छ । मतदानका लागि देशभर ३७ हजार २११ मतदान केन्द्रहरु तय गरिएको फिलिपिन्सको निर्वाचन आयोगले जनाएको छ ।

स्थानीय समयानुसार बिहान ६ बजे सुरु भएको मतदान बेलुका ७ बजेसम्म चल्ने आयोगका अधिकारीहरुले जनाएका छन् । राष्ट्रपतिका उम्मेदवारहरुमध्ये पूर्वराष्ट्रपति फोर्डिनान्ड मार्कोसका छोरा पूर्वसिनेटर समेत रहेका ६४ वर्षीय फोर्डिनान्ड मार्कोस जुनियर सबैभन्दा अगाडि रहेको दाबी गरिएको छ ।

उनको प्रमुख प्रतिस्पर्धीको रुपमा भने वर्तमान उपराष्ट्रपति ५७ वर्षीया मारिया लओनोर रोर्बेडोलाई हेरिएको छ । फिलिपिन्सको राष्ट्रपति बन्नका लागि उनीहरू बाहेक अरु आठ जनाले पनि उम्मेदवारी दिएका छन् । आयोगका कार्यवाहक प्रवक्ता जोन रेक्स लौडियाङकोले देशभरीका सबै मतदान केन्द्रहरु आयोगको निगरानी र नियन्त्रणमै रहेको जानकारी दिए ।

सबै ठाउँमा पर्याप्त सुरक्षा व्यवस्था गरिएको र अहिलेसम्म कुनै अप्रिय घटना भएको विवरण पनि प्राप्त नभएको उनको भनाइ छ । निर्वाचनका लागि ४५ हजार सैनिक, ६० हजार प्रहरी परिचालन गरिएको छ भने १२ हजार प्रहरीलाई तयारी अवस्थामा राखिएको छ ।

कोरोना भाइरसको महामारीका कारण थलिएको आर्थिक अवस्था सुधार्ने, गरिबी न्युनिकरण गर्ने, रोजगारी बढाउनेलगायत विषय नै निर्वाचनका प्रमुख एजेण्डा रहेका छन् ।

प्रकाशित : वैशाख २६, २०७९ १७:०१
प्रतिक्रिया
पठाउनुहोस्

युक्रेनलाई रक्षा सहयोगबारे छलफल

रासस/सिन्ह्वा

काठमाडौँ — युक्रेनका राष्ट्रपति भ्लोदोमिर जेलेन्स्कीसँग अमेरिकी विदेशमन्त्री एन्टोनी ब्लिन्केन र अमेरिकी रक्षामन्त्री लोयड अस्टिनले भेटवार्ता गरेका छन् । युक्रेनका लागि वासिङ्टनको सहयोगबारे छलफल गर्न किभमा भेटवार्ता भएको हो ।

दुवै पक्षले रक्षा सहयोग, रुसमाथिको प्रतिबन्ध थप बलियो बनाउने, युक्रेनलाई आर्थिक सहयोग र सुरक्षा ग्यारेन्टीबारे छलफल गरेको युक्रेनले जारी गरेको विज्ञप्तिमा उल्लेख छ । संयुक्त राज्य अमेरिकाले युक्रेनका लागि ३.४ बिलियन अमेरिकी डलर रक्षा सहयोग उपलब्ध गराएको छ । यो युक्रेनको रक्षा क्षमतालाई सुदृढ पार्न सबैभन्दा ठूलो योगदान पुग्ने विश्वास गरिएको छ ।

आर्थिक सहायताबारे बोल्दै राष्ट्रपति जेलेन्स्कीले संयुक्त राज्यले युक्रेनलाई द्वन्द्वपछिको पुनः प्राप्तिमा मद्दत गर्ने र अमेरिकी बजारमा युक्रेनी सामानको पहुँचलाई सहज बनाउने आशा व्यक्त गरेका छन् । रुसलाई थप प्रतिबन्ध लगाउने अवधारणापत्र अमेरिकी पक्षलाई हस्तान्तरण गर्दै उनले रुसमाथि थप प्रतिबन्ध लगाउन पनि आग्रह गरेका छन् । अमेरिकी विदेशमन्त्री र रक्षामन्त्री आइतबार किभ आइपुगेका हुन् ।

प्रकाशित : वैशाख १३, २०७९ ०७:२८
पूरा पढ्नुहोस्
प्रतिक्रिया
पठाउनुहोस्
x
×