रुस-युक्रेन तनाव : १३ सय युक्रेनी सैनिकको मृत्यु- विश्व - कान्तिपुर समाचार

रुस-युक्रेन तनाव : १३ सय युक्रेनी सैनिकको मृत्यु

कान्तिपुर संवाददाता

काठमाडौँ — युक्रेनी राष्ट्रपति भोलोदिमिर जेलेन्स्कीले हालसम्म युक्रेनका १३ सय सैनिकको मृत्यु भएको बताएका छन्  । युक्रेनको राजधानी किभमा एक पत्रकार सम्मेलनमा उनले  रुसले गरेको हमलामा रुसतर्फका पनि सयौं सैनिकको मृत्यु भएको बताउँदै शुक्रबार मात्रै ५-६ सय रुसी सैनिकले आत्मसमर्पण गरेको दाबी गरे ।

रुसी सैनिकलाई युक्रेनमा हमला गर्नुको उचित कारणसम्म थाहा नभएको भन्दै राष्ट्रपति जेलेन्स्कीले त्यस्ता सैनिकहरूले आत्मसमर्पण गरेको बताएका हुन् ।

केहि दिनअघिदेखि रुसले युक्रेनका विभिन्न स्थानमा हमला गरिरहेको छ । रुसले युक्रेनमाथि आक्रमण गरेको आइतबार १३ दिन पुगिसकेको छ ।

प्रकाशित : फाल्गुन २९, २०७८ १३:३२
प्रतिक्रिया
पठाउनुहोस्

एमालेको नाराबाजीबीच प्रतिनिधिसभाको बैठक सुरू

कान्तिपुर संवाददाता

काठमाडौँ — प्रतिनिधिसभाको आइतबार बैठक सुरू भएको छ । सभामुख अग्निप्रसाद सापकोटाले बैठक सुरु भएको बताउने बित्तिकै एमाले सांसदहरुले नाराबाजी गर्न थालेका छन् ।

एमालेका सांसदहरुले नाराबाजी गर्न थालेपछि सभामुख सापकोटाले एमाले सांसद् भीम रावललाई ५ मिनेटसम्म बोल्‍ने समय दिएका छन् ।

आजको बैठकमा प्रधानन्यायाधीश चोलेन्द्रशम्शेर जबरामाथि लगाइएको महाअभियोग सम्बन्धीको प्रस्तावमाथि छलफल हुने छ । दैनिक कार्यसूचीमा सार्वजनिक लेखा समितिका सभापति भरतकुमार शाहले 'सार्वजनिक लेखा समितिको २१औं वार्षिक प्रतिवेदन,२०७८' पेस गर्ने कार्यसूची छ ।

प्रकाशित : फाल्गुन २९, २०७८ १३:३२
पूरा पढ्नुहोस्
प्रतिक्रिया
पठाउनुहोस्
×