अमेरिकामा आँधीले ६ को मृत्यु

‘केन्द्रीय आयोवाको लागि सबैभन्दा खराब समय समाप्त भएको छ । तूफानहरू पूर्वतिर सर्दै छन्,’ राष्ट्रिय मौसम सेवा डेस मोइन्सले शनिबार ट्वीट गर्दै जानकारी दिएको छ । आइतबारको क्षतिको विवरणबारे तथ्यांक संकलन भइरहेको अधिकारीहरूको भनाइ छ । ‘आधी समुदायको लागि धेरै विनाशकारी देखिएको छ,’ स्थानीय अधिकारीले भने ।

आयोवाका गभर्नर किम रेनोल्ड्सले म्याडिसन काउन्टीमा प्रकोप घोषणा गरेका छन् । यसले राज्य स्रोतहरूलाई अवस्था सुधार्नको लागि सहयोग र प्रयोगको अनुमति दिन्छ । ‘हाम्रो ह्दय आज राज्यमा आएको घातक आँधीबाट प्रभावित सबैप्रति भावुक भएको छ,’ रेनोल्ड्सद्वारा जारी विज्ञप्तिमा उल्लेख छ । उनले उद्धार कार्य रातभर जारी रहने बताए । गत डिसेम्बरमा आएको दर्जनौं आँधीका कारण अमेरिकाका पाच राज्य निकै प्रभावित भएको थिए । आँधीले केन्टकी, टेनेसी, अर्कान्सास, मिसौरी र इलिनोइसमा ७७ जनाको मृत्यु भएको थियो ।